Estado de Emergencia iha Timor Leste

Hahu loron sabado loron 27 Marcu 2020 ita nia ukun nain sira hatun decretu hodi estabelese Estadu de Emergengia ba Timor laran tomak hahu loron 27 de marcu too loron 26 Abril 2020. Estadu Emergengia nee nia objetivo atu prevene katak moras COVID 19 hadaet ba populasaun iha Timor. Ne duni sei iha regras no limites nebe ita hotu tenke halo tuir. Iha kraik nee, ami ketik despacho husi Komando PNTL Distrito Dili:

Informasaun seluk tan, bele klik iha link nee: Governo Timor Leste

POLICIA NACIONAL TIMOR LESTE

KOMANDO PNTL MUNICIPAL DILI

BAZEANDO BA:

  1. DEKRETU PRESIDENTE DA REPUBLIKA DE TIMOR LESTE NO. 29/2020, 27 DE MARSU APROVA MEDIDA EXEKUSAUN NO DEKLARA ESTADU EMERGENSIA
  2. DEKRETU GUVERNO NO. 003/2020, 28 MARSU, DEPARTAMENTU DE POLISIAMENTO COMMUNITARIA PNTL HO COMMUNO PNTL MUNICIPIO DILI, APELA BA COMMUNIDADE TOMAK IHA SIDADE DILI HODI: 1. SUSPENDE MOVIMENTU PNTL MUNICIPIO DILI, APELA BA, COMMUNIDADE TOMAK IHA SIDADE DILI HODI:
  3. SUSPENDE MOVIMENTU TRANSPORTE PUBLIKU , ATIVIDADES DESPORTIVAS SIRA HOTU, HALIBUR MALU IHA GRUPO, FESTA, ATIVIDADE CULTURAL NEBE HALIBUR EMA BARAK,MATE UMA,ATIVIDADE RELIGIOZO, HANESAN MISA,SHOLAT, NO SELUK TAN  SIMULTANIA IHA NUMEIRO BO’OT MAXIMO NA’IN SANOLU.
  4. SIDADAUN TIMOR OAN NE’EBE TAMA MAI TERITORIO TENKE TAMA KUARANTINA NO SUSPENDE EMA ESTRANGEIRO OU TAMA MAI TERITORIO TIMOR LESTE.
  5. INDIVIDUAL NE’EBE DESENVOLVE SIMTOMAS COVID-19 TENKE HETAN TESTE HUSI MINISTERIO SAUDE NO IZOLAMENTU OBRIGATORIO BA EMA NE’EBE AFEITADU HUSI COVID-19.
  6. PROIBI HALO REUNIAUN NO MANIFESTASAUN NE’EBE LIU EMA NA’IN LIMA.
  7. INDIVIDUAL NE’EBE VIZITA COMMERCIAL FATIN TENKE UZA MASKRA TAKA IBUN NO INUS, MANTEIN SOCIAL DISTANSIA  MINIMUM METRU IDA IHA FATIN KOMERSIU SIRA, NA’IN BA FATIN KOMERSIU TENKE PREPARA FACILIDADES  HODI FASE LIMA NO LABELE HUSIK EMA NEBE LA-KUMPRE  REGRA FASE LIMAN NO LA TAU MASKRA TAMA IHA FATIN KOMERSIU.
  8. VENDEDOR AMBULANTE GA GEROBAK BELE LAO NAFATIN MAIBE TENKE KUMPRE NO PREPARA FASILIDADE FASE LIMAN NIAN.
  9. COMMUNIDADE SIDADE DILI BAINHIRA LA KUMPRE DEKRETU NE’E MAKA, DEPARTAMENTU POLISIAMENTU PNTL COMMUNITARIA PNTL HO KOMANDO PNTL MUNICIPIO DILI, SEI HOLA MEDIDAS, TUIR PROSEDURA LEI UZA FORSA NIAN.                                                                                                                                                                                                                                                          MAK NE’E DEIT APELA IDA NE’E HATO’O BA COMMUNIDADE TOMAK IHA SIDADE DILI HODI CONTRIBUI BA IMPLEMENTASAUN DE ESTADU EMERGENSIA IDA NE’E, HAMUTUK PANDEMIA COVID-19 HODI SALVA VIDA  NO NASAUN.                                                                                                                                                             OBRIGADO…..                                                                                                                                                                                                                                                                                                                                                                 DILI, MARCH 28, 2020        XEFE DEDARTAMENTU POLISIAMENTU COMUNITARIA: HELENA DAS DORES ALVES, L AP. ASISTENTE SUPERINTENDENTE POLISIA,     NO     COMMANDANTE COMMANDO PNTL MUNICIPIO DILI  ARMANDO MONTEIRO, L DIR, SUPERINTENDENTE XEFE POLISIA