Hau sei hanoin lao iha dalan perfeito. Oh bainhira mak O mai hau? Hau sei lao iha hau nia uma ho laran moos (Salmo 101:2BK)
Familia mistura komesa sai komun. Se imi moris sai ida deit maka tuir mai iha buat balun nebe presica ita tetu didiak. (1) Kada oan ida ida iha uniku. Oan ikun fasil tebes nia simu aman ou inan adotivus duke oan nebe primeiro. Sira nia outoridade mos la hanesan ho oan nebe boot. Aman inan presica besik sira ho gracas no matenek lahanesan ho labarik nebe sei bebe hela nia presica maka kuidadu no seguransa. (2) Halo sistema familia foun. Kada familia iha ninia sistema rasik ‘maneira ita halo buat ruma iha ita nia uma maka ” halo ita nia familia sai hanesan membru nebe intimu ou importante”. Buat balun nebe presica halo hamutuk maka ba iha Igreja hamutuk, han hamutuk,halimar game liu husi hamnasa hamutuk, no ajuda hodi hari’i sentimento nebe kesi metin unidade nebe importante. (3) So iha perigu karik maka ita labele bandu oan sira hodi iha asesu ba sira nia aman inan biologia. Biblia hateten hanesan nee ” Ema nebe lori dame, sira sei hetan bensaun tamba sira nee Maromak Nia oan” (Mateus 5:9 BTL). Tan nune labele koalia at kona ba ita nia eis (mantan) iha ita nia oan nia oin, no labele uja ita nia oan hodi lori mensagem ida nee ba ita nia eis.
Hau nia belun doben sira, peskisador reafirma katak oan sira gasta sira nia tempu hamutuk ho sira aman inan ho diak liu. Ida nee mos hamenus sira iha situasaun aat no kanek iha sira. (4) Ita sempre servico ho diak para ita nia oan nian diak. Sempre iha loron feriadu ou programa ruma nebe obriga ita hodi partisipa ho ita nia eis ou mantan tan nune ita tenke iha kustume buat hotu diak ba ita nia oan. Ita nia oan presica ita nia domin no ita nia komprendesaun ba sira liu liu bainhira emosaun aumenta no ema hotu tenke kontrola an.
Hau nia belun doben sira, respeita ita nia falha ou ita nia lakon iha tempu uluk,no keta koko hodi obriga ita nia ideia oinsa ho sai familia ida. Atu kuidadu oan sira presica tasak iha hanoin no maturidade no buat seluk seluk. Se ita sedauk halo orasaun, agora tempu nebe maka lolos para ita hodi komesa halo orasaun.
Hahan ba klamar : Apokalipse 19: 11-16, Atus 3: 1–16, Flp 2: 5–11