Tamba ami hadomi tebes tebes imi,ami pronto hatoo Nai Maromak Nia novidade Diak ba imi.Laos nee deit, maibe ami nia moris mos entrega tomak ba imi (1 Tesalonika 2:8 BTD)
Sai aman ida nebe ke diak makaas maka nia mai husi mane ida nebe iha relasionamento nebe ke diak ho Aman lalehan nian. Uja prinsipiu nebe sempre Paulus uja bainhira nia sai aman ba oan espiritual sira, nebe bele kapasita ita hodi sai aman ida nebe domin makaas.
Belun doben sira, koalia ba nia oan espiritual apostolus Paulus sempre hatudu laran diak sai hanesan aman ida (hare iha 1 Tesalonika 2:7-11). Tuir mai ita hare loron hirak nebe tuir mai,ita hare prinsipiu Paulus nudar aman ida: maka nia oan espiritual sente iha domin husi Paulus “Ami hadomi tebes o” (1 Tesalonika 2:8). Paulus hili liafuan husi Greku nebe ema nunka uja para domin, laos liafuan ida bai bain ba liafuan domin incondisional ou domin nudar maun no alin.
Belun doben sira, liafuan domin nebe maka sira uja nia atrai hanesan magnetu ida nebe forsa,kaloroso,spontania no liafuan nebe ke maravilhoso nebe ke uja ba labarik sira. Maibe tamba saida maka Paulus koalia uja liafuan ou ekspresaun ida nee ba ema adultu ou ema nebe ke boot sira? tamba nesesidade atu hetan domin nee buat ida nebe ke ita nunka husik liu. Paulus nia hakarak sira sente iha domin.Biblia hateten hanesan nee “Ida nebe maka boot liu maka domin” (1 Korintus 13:13 BTD). Aman ida nebe ke liu fali buat hotu hotu, ida nee maka ita nia oan sira presica husi ita nudar aman no ida nee ba oan sira hotu la hare husi sira nia idade, sira presica barak iha tempu sira boot ona no sira hakarak hanesan mos iha tempu sira sei kiik.
Belun doben sira, ita nia oan nebe ke boot ona, sira sei sente domin ba sira iha sira nia kolega nia sorin sorin maibe sira ho fuan nebe klean sira sei sente ita respeito sira. No ida nee esiste ba ita nia oan feto tantu mane mos. Ita nia oan feto no mane sira tenke sente ita nia domin. Ita nia oan feto iha serteza ida ke boot katak sira sei hakuak ita no ita nia oan mane sira sei uja maneira dulas sira nia matan. Belun doben sira, mai ita hadomi ita nia oan sira, too sira nia tinan nebe natoon para fo hatene ba sira katak domin nee furak tebes.
Hahan ba loron ohin : 2 Reis 7–9, Lucas 1: 1–10, Salmo 73: 1–16, Prob 13: 17–19