Sansao tun ba Timna no nia hare feto ida iha Timna,nebe oan ida husi ema Filisteu ida (Juiz 14:1 BK)
Sansao lakon buat hotu iha nia tamba rasaun balu. Primeiro, Ninia relasaun nebe ke sala. Bainhira Nai Maromak dehan ‘LAE’ ba relasaun ida laos katak Nia kastigu o maibe nia hakarak haleu o husi buat aat. Dala ruma ita hateten hanesan nee “ Ah maibe hau sente diak liu bainhira hau hamutuk ho sira”. Maibe presisa hatene katak Maromak hare o nia dalan nebe o lao dadaun ba, maibe o lahatene o nia dalan ikus!. Diak liu hakarak buat nebe o iha duke remata buat nebe o labele halo ona. Segundu, Laiha Obedese. Dala tolu nia laran ita kona ba Sansao nebe tun, bainhira nia iha lasu tamba feto filisteu ida husi rai Timnah! Tan nune sera ke relasaun ida nee lori ita atu sae ou tun?. Eskritor ida hakerek hanesan nee “ Hau nia kolega uluk kedas fo salario nebe ke diak,maibe hau sei la ba hamutuk h onia iha imfernu. Biblia hateten katak “ Espiritu Nai Maromak tun ba nia, no nia tun ba Askelon no oho ema nain tolo-nulu no foti sira nia rikusoin no fo ropa ba ema sira nebe sasiik nee, nune nia sai hirus makaas no nia sae ba ninia aman nia uma (Juis 14:19 BK).
Belun doben sira, dala ruma Sansao hanoin katak Maromak bele fo perdua nia tamba nia ema especial, maibe LAE. “Nia nebe simu disiplina dala barak maibee sei iha ulun toos,nune nia sei tohar derepente,no ita labele kura nia” (Proverbiu 29:1).
Belun doben sira, Kuidado didiak antes ita nia tempu remata. Treseiro, Fiar an liu nebe sala hela. Depois de nia kaben ho Delila feto Filisteu nee i feto nee mos trai fali ba Sansao. Sansao dehan “Hau sei sai forsa fali hanesan uluk no nia sei livre husi ema Filisteu nia liman,maibe Sansao lahetene katak Nai Maromak ses ona husi nia,depois ema Filisteu sira foti nia no sukit sai nia matan fuan no hatuun nia (Juis 16:20-21).
Belun doben sira, bainhira Nai Maromak Nia bensaun laiha ona iha ita, agora tempu lolos maka ita reflete ita nia aan karik dala ruma ita nia aan halo sala hela. Ita tenke hadia ita nia moris, katak segredu maka iha Nai Maromak Nia forsa deit maka bele muda ita LAOS ita nia forsa.
Hahan ba klamar: Jer 1–3, Lucas 2: 41–52 Sal 59: 1–8, Proverbius 14: 21–22