Tebes hau sei halo buat foun; agora buat nee mosu mai,imi sei la hatene ka? Hau sei halo dalan iha rai fuik,no mota sira iha rai maran (Isaias 43:19)
Ita bele imajina oinsa Moises hakfodak bainhira Nai Maromak koalia ho nia husi aitarak nebe lakan ho ahi? Ita mos imajina oinsa odamatan sira taka nebe laiha esplikasaun klaru tan nune Paulus hakfodak ho mane ida husi Macedonia nebe bolu nia liu husi revelasaun ida? Mane nee husu Katak “mai iha nee hodi ajuda ami”(Atos 16:9). Sim, Nia mak Maromak nebe mak halo supreza barak no Nia hateten “Hare Hau Maromak dadaun halo buat foun! Agora mosu,sera ke ita la hare?” Ah, iha desafius no ita nia persepsaun (saida maka ita hare no komprende). Ita dala barak falha hodi koinese Nai Maromak iha serviso fatin.
Belun doben sira, dalaruma ita hateten hanesan nee “Hau halo orasaun ona,fiar Nai nia promesas,halo buat hotu nebe hau hatene atu halo,maibe hau hare dalaruma hanesan laiha resultadu ba hau”. Nune koko ho promesas ida nee “Nune Nai sei hein,hodi Nia bele hatudu gracas ba imi. Nia foti aan hodi Nia hatudu laran luak ba imi. Tamba Nai mak Maromak ida nebe maka iha Justisa. Haksolok bae ma hotu nebe hein iha Nia” (Isaias 30:18).
Belun doben sira, mai ita atensaun ba liafuan ida dehan ‘HEIN’. Maromak iha maneira no scala. “Ema ida iha ideia barak iha nia fuan laran,maibe Maromak Nia planusei hamrik metin”(Proverbius 19:21). Dalaruma ita nia planu halis oitoan,maibe sei ita nia fuan los nune Nai Maromak sei halo buat hotu diak ba o para hodi Nia naran hetan glorifika. Bainhira ita mai hodi Maromak dirige ita. Nune iha buat balun nebe ita presica hatene: Primeiro, Ita nia hanoin bele ba ses maibe Nai Maromak nia diresaun nafatin hela iha ita. Iha Nia lidera mai ita nebe metin tan nunee maka ita tenke iha tempu propriu na Nia. Segundu,Ninia diresaun tenke lao hamutuk ho ninia ajuda mai ita. “Nai Nia Planu maka nee” Nai Jesus dehan hanesan nee: “Tamba, se imi la metin nafatin ho Hau imi labele halo buat diak ida” (Joao 15:5). Terseiro, Dalaruma Ninia diresaun mai ita no ita senti ladun seguru. “Hanesan manu makikit nebe aruma ninia knuuk,no semo namlele iha ninia oan nia leten. No lolon nia liman hodi simu sira,no lori sira iha ninia liras nia leten. Nune Nai Maromak mesak lori Jako,no laiha Maromak seluk nebe hamutuk ho Jako” (Deuteronimiu 32:11-12). Manu makikit kiik sei hakfodak bainhira manu inan makikit dudu tun nia ses husi nia knuuk. Maibe iha tempu neba manu makikit kiik nee nia sei uja nia liras hodi semo I tamba makikit kiik foin hanoin hetan nia iha liras para hodi semo.
Hahan ba klamar: Jer 4–6, Lucas 3: 1–10, Salmo 59: 9–17, Proverbius 14: 23–24