Ita hamrik fali no kontinua lao (2 Korintu 4:9)
Ema ida naran Max Gunther halo satire hateten “Bainhira ita dada ba mai liaun ida, fo tali antes nia kona o nia liman. Ita sei sosa fali tali foun! Bainhira ita koko hodi hasoru nia nee sei lori kanek,susar toba no stress. Tan tune, iha attitude balun dalaruma ita presica adapta. Para lai hodi hanoin katak ita mak sai vitima, para lai hodi hanoin ema seluk maka sei salva ita, para lai hodi fo kuitadu ba ita nia aan rasik no ita tenke hamenus ita nia stress.
ita nia aan rasik! Ita laos ema fraku, no ita laos ema nebe laiha esperansa. Maromak Nia liafuan promete katak “ Hau bele simu buat hoto-hotu ,tamba Kristu maka fo forsa mai hau “(Filipi 4:13). Depois, ita tenke para ita hodi hanoin no foti desijaun katak ita lakoi hodi iha mudansa. Dalaruma ita so hateten “ ida nee labele halo,hau labele resolve nee”. Ita tenke hakaas aan hodi muda saida maka ita bele, buat nebe hanesan attitude no ita nia hakbesik aan! Presica iha enerjia para hodi metin iha kustume no fiar nebe uluk duke hakuak ou halo ida nebe foun. Para hodi halimar game foun ho ninia regras ida uluk nian. Bainhira kareta ita para ho segunda gear no ita koko halo 100 kpj. Ita imajina took saida maka akontese? Konserteza sei rahun! Se ita lakoi lakon ita nia forsa ita tenke estuda oinsa ita troka ou muda kareta nia gear. Bainhira ita nia season moris, ita nia servisu no relasaun komesa muda, ita komesa adapta. Koko hodi halo ho regras foun, se lae ita sei lakon nafatin. Para lai ho koko buat nebe ke ita labele kontrola no dominan. Bainhira musica ida komesa muda nia ritmu no komesa koko hodi muda ritmu dansa foun, se lae ita sei la remata no ita komesa tur.
Dalaruma ita la gosta iha mudansa, maibe ita aprende koko sulin tuir mudansa ida nee “ Hau kompara nune tanba ema habit ami husi sorin sorin, maibe ami sei bele dada iis. Ami hanoin la hetan, maibe la lakon esperansa. Ema halo terus ami maibe Maromak la husik ami mesak. Ema baku ami maibe la konsege halo lakon ami” (2 Korintus 4:8-9). (RG)
Hahan ba klamar: Jer 45–48, Lucas 6: 37–49, Salmu 109: 16–31, Prob 15: 23–26