Hau sei kontente no haksolok iha O nia laran diak, tamba O hare ona hau nia terus,O hatene katak hau nia klamar iha fatin susar. (Salmu 31:7)
Probervius China antigu ida dehan “Diamante ida labele lisa ho didiak sem fiksaun, ema ida nia atu perfeito sem liu husi tentasaun”. Ita hotu hakarak moris livre, lakoi servisu iha laran. Maibe ida nee labele halo.
Tan nune mai ita hare sujestaun 15 ida nee: (1) Fo ita nia tempu hodi hodi halo orasaun no lee biblia loron loron; ida nee sei muda ita nia hanoin no vizaun. (2) sera ke ita hamnasa? Sera ke ema seluk hare ita haksolok?, see lae karik, ita boot presica feriadu ruma. (3) Sera ke ita iha kustume saudavel? Sera ke ita presica hamenus hemu lata sira, hamenus facebook, da hamenus buat midar sira. (4) Han hahan nebe saudavel ho balansu. (5) Halo exersisiu dala tolu too dala lima ho durasaun minute tolu nulu nia laran durante iha semana ida, nee maka aimoruk ba stress. (6) Desemvolve ita nia kostumi hodi maneja tempu ho diak liu. (7) Fo fatin ba ita nia moris hodi haksolok ho rilex. (8) Toba durante oras walu nia laran. (9) Kaer metin nafatin ita nia humor ou komik nebe ita iha “ Fuan laran kontente mak ai moruk nebe ke diak, maibe espiritu nebe ke tohar sei hamaran ruin sira” (Proverbiu 17:22). (10) Komesa sura bensaun nebe ke ita simu. Salmista ida hateten hanesan nee “Hahi ba Nai, oh hau nia klamar, no labele haluha buat diak hotu nebe Nia halo” (Salmu 103:2). (11) bainhira ita koalia ba ita nia aan rasik, koalia ho buat nebe ke los. Ita nia liafuan sei fo imfluensia diak ba ita rasik laos ba ema seluk. (12) Halo ita nia moris nee sai simples deit no hases ita nia aan husi buat rungu ranga sira. Se bainhira ita seidauk koko durante tinan rua nia laran, dalaruma ita sei la presica tan. (13) Desemvolve objetivu ho buka Nai Maromak no determina ita nia objetivu rasik. (14) Perdaun ba, laran nebe odio nee sei lori todan mai iha ita. Se bainhira ita rejeita atu fo perdaun ema seluk o Nia Aman ha lalehan mos sei la fo perdaun ba o (Mateus 6:15) lee kapitlu ikus husi biblia – no ita sei manan. (RG)
Hahan ba klamar: Jer 49-50, Lucas 7: 1–10, Salmu 118: 1–9, Prverbius 15: 27–30