Imi tenke forti no brani ba, keta tauk ka hakfodak tanba sira, tamba Nai,imi nia Maromak, ba hamutuk hoi mi, Nia sei la falta ka la husik imi. (Deuteronomio 31:6)
Ita nia liafuan no impaktu nebe maka makaas bae ma seluk. Feto nebe moris iha sala foer maka sai exemplu nebe makaas. Ita bele hare oinsa ema Fariseu sira hare nia. Iha lei Moises nia fo orden katak tenke tuda fatuk ba feto nee (Joao 8:5). Maibe Nai Jesus nia maneira hodi hare feto nee oin seluk, Jesus hare feto ho Misericordia ou hanoin makaas, no Jesus hateten ba feto nee katak “Hau mos la fo kastigu ba o, o ba agora no labele halo sala tan (Joao 8:11). Jesus foti feto nee, selu nia tusan no f onia kbiit, ita karik labele ajuda nia maibe ita fiar katak feto ida nee iha ninia moris restu nia koko hodi moris tuir Jesus Kristu nia orientasaun.
Instruksoin hodi suporta ida ba ida no ajuda foti ema seluk maka kumpri duni iha testamentu foun tomak. Ita hotu presica serteza no apresiasaun. Tan nunee, tamba saida maka ita sempre falha hodi hatoo gava ou apresiasaun bae ma seluk nebe ita oferese hodi loke dalan bae ma sira nebe hakarak susesu? Dala ruma tamba deit ita kolen no baruk ou agois halo ita monu iha ita nia attitude diak fo ba ema seluk. Dalaruma ida nee fasil tebes hodi buka ema seluk nia sala. Ita labele senti baibain kona ba impaktu husi liafuan no attitude ita nia ba ema seluk.
Sera kee ita tauk ita nia apresiasaun ou gava nee sai hanesan fatuk sidi nebe lori sentementu foti aan iha nia? . Jesus la tauk bainhira nia koalia ho Nataniel katak “Ida nee maka ema Israel lolos nebee ke laiha sala” (Joao 1:47). Ida nee gava ida husi Jesus ba Nataniel! Ita hare ema barak mate tamba fuan rahun. Tan nunee husu ba Nai Maromak ba loron ohin para iha oportunidade para hodi apresia no fo gava ho lolos bae ma ida nebe iha ita nia moris. Husu ba nia hodi nia uja ita no mai hamutuk ho sira I nomos husu sira para sira kontinua too sira realiza sira nia mehi ou sira nia objetivu. (RG)
Hahan ba klamar: Deut 8 – 10, Lucas 11:14 – 28, Salmu 78:65 – 72, Probervius 17:1 – 2