Nai sei dirige ema nia hakaat sira, bainhira Nia kontente ho ema nee nia dalan. (Salmu 37:23)
Saida maka ita hanoin bainhira odamatan nebe Maromak loke ba ita derepenti taka no nakfilak? Dalaruma ita hanoin “Nai Maromak hau halo buat hotu los, tamba saida ida nee akontese? Hakmatek ba, Nai Maromak Nia sei hatudu ita nia dalan. Bainhira ita nia esperansa komesa sai rahun no ita nia planu komesa muda la sai realidade, diak liu mai ita sadere ba Nai Maromak Nia matenek nebe kee superior nebe nakonu ho domin no Nia planu nebe laiha falha. Nai Maromak iha planu tiha mai ita desde hahu ita moris too remata, tan nune fiar deit ba Nia servisu nebe kee diak ba ita nia moris (Isaias 46:10-11). Se bainhira ita fo ita nia tempu barak ba Nia nune ita nia sentimentu moras sei sai hanesan hahi ou haksolok ida ba ita ida nee tamba Nia komesa taka odamatan nebe nebe la luan no loke fali odamatan boot seluk nebe luan liu.
Tempu maka importante los! Bainhira ita komesa kompriende Maromak Nia tempu, nune ita bele iha kbiit hodi bele servisu hamutuk ho Nia Nai Maromak. Bainhira ita lahatene, aprende ba hodi ita komfia aan hodi hein iha Nia. Problema ita nia maka dalabarak ita maka ukun fali ita nia aan hodi la fo fatin ba Nai Maromak hodi servisu ba ita. Tuir lolos ida nee Maromak Nia servisu laos ita nia, no Nia nunka fo mai ita! Maromak fo diresaun mai ita no ita tenke tuir, mesmu kee ita la gosta no ita la kompriende niNia maneira servisu mai iha ita. Tamba saida maka ita hein Maromak Nia tempu ba ita hodi halo buat ruma mai ita nee kleur teb-tebes? Dalaruma ita husu. Ida nee perguntas ida nebe laiha resposta para hodi ajuda ita haluan liu tan ita nia fiar ba Nai Maromak Nia servisu mai ita. Bainhira ita la hatene, nune ita tenke fiar deit ba Nia nebe halo Nia servisu iha ita nia moris no ida nee halo ita nia fiar aumenta liu tan ba Nia.
Maromak Nia iha planu no tempu nebe kee furak liu ba ita, bainhira Nia planu dadaun ita tenke prontu hodi HEIN iha niNIa tempu. Se ida nee akontese ba ita iha loron ida nee. Hanoin didiak ba, katak ida nee lori ita ba Maturidade espiritual nebe kee foun ba ita nune Nai Maromak komesa lansa ona bensaun foun mai iha ita nia moris. (RG)
Hahan ba klamar: Deut 32:29 – 34:12, Lucas 13:1 – 17, Salmu 119:57 – 64, Pro 17:22