‘…Maromak Halo Hau Hamnasa…’ (Genesis 21:6)
Sara hamnasa dala rua. Primeiru liu nee hanesan buat ida nebee susar atu fiar tamba Maromak promete oan ida ba nia iha nia tinan ida nebee idade ba dadauk ona. Segundu nee hanesan ksolok ida tamba Maromak kumpri ninia promesa. Maibe entre eventu rua nee nia experiensia situasaun nebee mak triste teb-tebes iha nia moris. Ninia kaben, Abraao, trai nia atu salva ninia aan. Liura ida nebee mak la fiar Maromak foti nia sai nia feen maibe Maromak halo intervensaun. So ba deit feto sira nebee hadomi los sira nia kaben/parseiru mak bele komprende situasaun nebee mak Sara hakat liu iha kalan nee.
Iha lisaun ida iha nee. Entre halo orasaun ba milagre no hetan ida, ita sei hetan provas, ita sei krese, no ita sei aprende hodi fiar ba Maromak nebee mak ita hanoin nee la posivel. Aumenta tan buat ida nebee mak importante hodi hanoin: wainhira ita fahe ita nia experiensia ho ema seluk labele fahe deit konaba ita nia estatus agora saida no ita nia pozisaun agora saida; diak liu, foo hatene ba sira konaba oinsa Maromak lorin ita liu situasaun hirak nee, tamba ida nee mos saida mak agora sira luta baa. Foo hatene ba sira konaba oinsa ita nia fee hetan provas iha situasaun nebee mak terus [susar] molok ita passa nee hanesan osan mean. Labele husik sira sente frustrasaun tamba sira proklama Maromak nia promesa no sira seidauk simu ida. Liurai Abileke fatin ou tenda nebe mak Sara gasta tempu kalan mengerikan iha nebaa fatin nebee hanaran Gerar, nebee signifika ‘fatin deskansaou para’. Sim, sei iha tempu balun nebee mak ita sei senti ita nia moris too ona nia rohan ou para no ita sei la hetan buat ida. Dalaruma ita mak agora dadauk nee.
Sekarik loos, favor hatene ida nee: Maromak sei iha fidelidade ba ita. Laos deit nia sei lori ita pssa buat sira nee, maibe hanesan Sara, ita nia haksolok sei fila hanesan ita haree Nia kumpri Ninia promesa ba ita. (SFL)
Hahan ba klamar: Levitikus 16, Levitikus 23: 26 -32, Ebreu 9: 1-14