…ida-idak halao nia knaar, mak ita hamutuk boot ba dadauk i sai forti.’ Éfezu 4:16
Wainhira Ita husu klarifikasaun ba ema ida labele halo jeral maibe tenki espesifiku. Ezemplu, labele dehan, ‘o sempre kasar no la halo belun.’ Koalia ho espesifiku mak hanesan, ‘Hau senti horseik o kasar liu ba maun Jonas.’ Jeral liu bele rona no senti hanesan ataka ou kontra fali ema ne, nebe tuir lolos objetivu mak halo diskusaun hodi hadia ou hakbiit saída mak ema ne halo. No koalia saída mak jeral liu nebe la klaru la ajuda ema nebe aprende hela ne hodi hatene saida mak nia tenki halo agora hodi muda no buras ba. Sempre hanoin hodi hatudu sentimentu empatia ba ema ne. Mentor nebe efetivu mak mentor nebe sempre koko hodi tau nia an iha ema ne nia fatin.
Autor João Erskin observa, ‘Ita seidauk lolos foti espasu ida to ita tebes duni sai hanesan ema ne no hare no senti hanesan ema né.’ Koalia ba sira no ajuda sira laran metin katak o iha sira nia kotuk no suporta sira laos sira nia inimigu, no o nia deseju ida deit mak hakarak hare sira sai susesu. Tamba sa ema senti defisil los hodi simu no hanoin ema nia kritika sira? Tamba sira iha moe nebe hanesan iha sirkula nia laran, lori sira ba fali sira nia tempu kiik sira. Sira senti laiha valor, sira senti ema sempre kritika sira no hatete ba sira katak sira labele halo buat ida no beik hanesan uluk, no agora sira nia sentimentu mak ba ida né deit. Wainhira o komprende ida ne, o foin bele hatene dalan oinsa mak bele halo ligasaun ho sira iha dalan nebe los. Husi enkorajem sira hakbiit sira nia forsa, skil no karakter hafoin ita hetan direitu hodi konfrontu. Tenki serteja ita nia afirmasaun ou gava no apresia iha tempu barak 97%, atu wainhira TEMPU to’o hodi hanorin no koriji iha tempu restu 3%, o nia domin no enkorajem laiha tan konfuzaun no sira fiar duni.
Oinsa mak ema ida bele hatene o iha sira nia sorin duni karik liafuan nebe o sempre koalia mak negativu deit? (VZC)
Hahan klamar: 2 Samuel 1:1-3:21, João 3:1-21, Salmo 89:15-57, Provérbiu 23:15-18