Hau dehan, “Hau sei kuidadu hau nia dalan sira, hodi hau la sala ho hau nia nanaal…’ – Salmo 39:1
Ita falha husi tempu ba tempu, no maske ema nebe boot mos hanesan. Wainhira John Rockefeller kaer kompanã Mina Standar, nia senior Ezekutivu nebe meneja servisu ne halo sala no lakon osan $2.000.000. Senior Ezekutivu sira seluk hanoin Rockefeller sei mai ho hirus no karik sei hasai nia husi servisu, maibe nia lá halo ida né. Molok nia bolu mane ne mai, nia tur no foti Ipad nota ida no hakerek iha leten: ‘Pontu nebe defende mane ne’. Depois nia lista mane ne nia forsa no kualidade sira inklui oinsa iha momentu ida nia ajuda kompanã foti desijaun nebe los no menan dólar milaun. Ezekutivu ida seluk nebe hare saida mak akontese hatete, ‘Wainhira hau senti tentasaun hodi koalia a’at ema, hau haka’as hau nia an hodi tur no hakerek lista konaba ema ne nia kualidade diak sira nebe nia iha. Wainhira hau hakerek hotu ona, hau nia perspetivu mos komesa muda sai diak. No diak liu tan mak hau nia hirus mos bele iha kontrolasaun ona. Hau labele sura dala hira ona mak abitua ida ne ajuda prevene ona hau husi sala-lakon komtrolasaun ba hau nia emosaun. Hau rekomenda ida ne ba ema hotu nebe iha tenki rezolve asuntu ruma ho ema seluk.
Molok ita atu halo konkluzaun ida kona ba ema seluk, para lai no husu matenek husi Maromak, no tur hodi hakerek ema ne nia kualidade terbaik sira. Wainhira ita halo ida né, dalabarak ita sei foti konkluzaun nebe diferente. Ida nebe serteja mos mak o sei ba hasoru ema ne ho atitude nebe diak no o sei lá koalia sai liafuan nebe ikus mai o rasik arepende.
David nebe hakerek Salmo aprende duni ida ne: ‘Hau sei kuidadu hau nia dalan sira, hodi hau la sala ho hau nia nanaal.’
Hahan klamar: 2 Samuel 12:1-14:20, João 4:13-26, Salmo 32, Provérbiu 23:29-35