Wainhira hau okupadu lao ba mai hela…’ 1 Liurai 20:40
Ida nemak eskritura koalia konaba okupadu. ‘Wainhira hau okupadu lao ba mai hela, ema né lakon!’ Iha istoria ida ne’e, Maromak julga ema nebe haluhan saida mak importante no la fokus ka la tau atensaun ba saida mak prioridade liu.
Iha tinan 1992, Majalah Fortuna fo sai hasai iha jornal ‘Bisnis nebe halo sala nebe boot liu iha 1992’. Mak hanesan telekomunikasaun boot AT & T halo kolaborasaun no konkordansia ho kompanã iha sidade New York. Kontratu nia regra hatete se wainhira forsa ahi atinji iha level ida, AT & T tenki hamate forsa internal nian katak fasilidade balu sei hamate, no komesa dada forsa husi jenerator iha laran, no eletrisidade nia forsa komesa menus. Iha dia 17 Setembru 1991, AT & T sira hamate no loke forsa hanesan ne. Sira loke taka hela deit jenerator to loron ida nia kondisaun ladun diak, jenerator kria forsa nebe estraga sistema sira nebe importante los nebe halo sira tenki responsabilidade hodi atende 4.5 miliaun husi telefoni emerjensia nasional, 470.000 telefoni husi internasional, fo impaktu ba 1174 aviaun nebe semo iha USA nebe tula ema 85.000 no impaktu komunikasaun hotu nebe ligadu ho aerportu boot tolu iha sidade. Tempu neba sabraut boot los! Sinu alarma nian iha AT & T nia ofis lian la para ba oras 6. Tamba sa hanesan né? Tamba AT & T nia ema nebe toma konta ba parte ne lao sai tia – nia ba atende hela semináriu nebe koalia konaba oinsa meneja situasaun emerjensia!
Bíblia dehan ‘Matan moris neon nain, tanba imi nia inimigu diabu boot hakarak estraga imi, hanesan leaun nebee mak lao baa-mai ho lian makaas hodi buka ema atu haan. (1 Pedro 5:8) Se diabu labele han ita ho atakasaun nebe iha ita nia oin, nia sei prepara hodi halo ita lakon fokus no okupadu ba buat nebe ikus mai la importante. Labele lakon fokus! (VNZ)
Hahan klamar: Mateus 21:18-22, Mateus 8:5-13, Markus 6:1-6