“Nia kbiit rasik Nia foo mai ita saida deit mak ita presiza…’ – 2 Pedru 1:3
Biblia dehan Nia kbiit rasik Nia foo mai ita saida deit mak ita presiza atu ita bele moris loos tuir Nia hakarak…Tanba nee imi tenki hakaas aan para moris loos para halo kompletu imi nia fiar. Moris loos ho hatene deit seidauk too. Imi mos tenki domina aan i hatene aguenta nafatin, i moris halo tuir Maromak nia hakarak. Laos nee deit, imi mos tenki laran diak ba imi nia maluk sira nebee fiar ba Jesus, i hatudu mos domin ba ema hotu-hotu. Se hahalok diak sira nee hotu buras ba bebeik iha imi nia moris, entaun imi sei konhese diak liu tan ita nia Nai Jesus Kristu, i imi nia moris iha folin i la saugati. 2 Pedro 1:3,5-8
Tuir mai prinsipiu sanolu nebe foti husi Biblia hodi ajuda ita moris tuir Maromak nia intensaun.
(1) Kuidadu ho o nia nanal. Sempre koalia oituan liu no ema seluk sei respeita o.
(2) Halo promesa oituan no iha limitasaun bazeia ba ita nia forsa atu ita bele sempre kumpri promesa né no ema sei fiar ita.
(3) Se o iha oportunidade hodi koalia liafuan diak ou domin ba ema, tenki koalia! Keta husik oportunidade ne lakon saugati, atu loron ida o hare fali ba kotuk ho haksolok no la arepende.
(4) Hatudu ita nia interese ba ema ne’e liu husi ho fuan duni rona ho atensaun tomak wainhira Ema né koalia no espresa sai o nia apresiasaun.
(5) Haksolok ba! Labele hela iha o nia laran moras no kanek sira; ema hotu iha problema nia laran. Ema ida iha hospital laran nebe hakarak sai hanesan o no troka fatin ho o. Agradese no haksolok ba!
(6) Hanoin luan no koko buka evidensia sira uluk. Halo diskusaun maibe labele diskuti malu. Aprende hodi mantein haksolok no kalma wainhira o lá konkorda ou kritika buat ruma. Foti vantajem iha tempu konfuzaun laran hodi hanorin ema no aprende.
(7) Labele tolera gossip. Ida ne so hodi sobu no harahun.
(8) Konsidera no sentivu ba ema nia sentimentu. Ema nebe konsidera matenek sei halo ida né.
(9) Labele tau atensaun demais ba lia anin sira konaba o. Moris lolos duni to ema labele fiar anin falsu konaba o.
(10) Labele preokupa ba ema nia gava. Nafatin mantein atitude nebe fo no halo buat ruma ho terbaik no ho pasensia.
Maromak hare no Maromak mak sei selu. (VZC)
Hahan klamar: 2 Samuel 20:1- 22:30, João 5:1-15, Psalm 15, Proverbiu 24:7