Dili – Sekretariu ezekuticu komisaun nacional kombate moras hiv-sida Atenasio de Jesus, liu hosi nia intervensaun ba abertura kampainya prevensaun moras hiv-sida iha salaun auditorium Universidade Dili kuarta semana ne hateten,
Sai preokupasaun ba estadu no nasaun tanba hosi dadus númeru moras hiv-sida iha nasaun hatudu maioria 60% kompostu idade produtivu joventudes, tanba wainhira sidadaun idade produtivu tinan 24 too 45 asumi ona risku moras hiv-sida koloka nasaun ba ameasa tanba nasaun laiha ema sidadaun kualidade atu prodús kualidade dezenvolvimentu ba nasaun, Atenasio hateten, komisaun nacional kombate moras hiv-sida iha ninia lideransa sei koloka entidades estudantes universitariu sai alvu iha kampainta prevensaun moras hiv-sida.
dekano fakuldade siensia saude Ivo da Costa Soares husu ba estudantes fakulkudades saude partisipanets seminariu prevensaun moras hiv-sida atu akapta didiak material moras hiv-sida nebe oradores sira aprezenta no habelar ba sosiedade tomak nudar meius precensaun ida.
Entertantu Kazu moras hiv-sida iha nasaun atinji númeru ema nain rihun 1.194 Oradora prevensaun moras hiv-sida Chedi departementu moras hadaet ministeriu saude Marta Abenia dos Santos, iha nia aprezentasaun ba seminariu prevensaun moras hiv-sida iha salaun auditoriu universidade Dili kuarta semana ne hateten,
Kazus moras hiv-sida iha nasaun kontinua sa’e ba nafatin, too oras ne dadus komulativus oficial hosi ministeriu saude pronunsia númeru moras hiv-sida iha nasaun atinji ona ema nain rihun 1.194, no ministeriu saude iha ona estratezia hodi hatan ba eskalasaun númeru moras hiv-sida nebe ijisti iha ansaun (AG)