Dili – Jestor programa ajensia internacional Oxfam Lucio Savio, iha konferencia imprenza iha edificio Oxfam tersa semana ne hateten katak Ajensia internacional Oxfam koopera hamutuk ho asosiasaun jornalista Timor Leste organiza media tour nebe mobilza jornalista sira ba halo kobertura atividades agrikulturas iha areas rurais, programa media tour hodi reflete didiak situasaun real agrikultures hodi liga ba alokasaun orsamentu jeral estadu ba seitor agrikultura.
Enkuantu koordenador media tour Ajtel Floriano Soares isplika, programa media tour nudar inisiativa AJTL ho alvu kobertura ba seitor agrikultura hodi reflete didiak informasaun kona ba situasaun real agrikultures iha areas rurais, tanba seitor agrikultura nudar seitor xave ba estadu no nasaun, maka programa media tour Ajtl ne sei kontinua nafatin ba futuru hodi atualiza ba públiku progresu agrikutores iha rai laran. (AG)