‘…Mane ida(Maromak) mai luta malu/luta ho nia to’o…’ Jenesis 32:24
Bíblia hakerek ‘Nunee Jakó hela mesak deit. No mane ida (Maromak nia anju) mai deut malu/luta ho nia to’o loro matan sae’. Wainhira Maromak hakarak halo buat ida ba o, Nia hakarak o mesak. Hare didiak, Jakó mesmesak. Baihira halo opersaun, patiente mesak mak autoriza tama iha sala opersaun. Iha buat ruma iha ita nia an tenki rezolve se lae ita sei lá bele hetan vitoria.
Hare didiak, ‘No mane ida mai deut malu/luta ho nia to’o’ . Ema seluk bele rende ba ita maibe Maromak sei nunka rende ho ita.
Nia ne’ebe hahu servisu diak iha ita nia moris sei halo to’o hotu to ba loron Jesus Kristu fila fali mai (Filipe 1:6) ‘too ita nia lao, koalia no moris iha diferensa hodi ema hotu nebe iha ita nia sorin-sorin hatene duni katak Maromak mak kaer no muda ita nia moris.
Maromak sei lá husik ita nafatin halo buat nebe Nia hare la vale. Nia sei deut malu/luta ho ita hodi hatudu mai ita katak ita estraga deit ita nia tempu no moris ho buat nebe lavale. Nia sei luta ho ita konaba ita nia atitude nebe ita toman ona, liafuan no asaun ne’ebe laloos. Nia sei deut malu/luta ho ita nia atitude nebe lá hatene agradece no ajuda ita atu hare bensaun sira ne’ebe iha ita nia moris. Nia sei luta ho ita ho buat sira ne’ebe ita la bele no ita nia hanoin rua-rua(konfuzaun) no ita nia an nebe lakoi prontu hodi foti komitmentu.
Ita troka ona ita servisu, troka relasaun no muda ona igreja; bainhira mak ita husi Maromak kuda ita permanente iha fatin ida hodi ita bele fo fuan (hetan transformasaun)? “To’o” iha signifikadu rua iha historia ne’e.
Primeiru, Maromak deut/luta ho Jakó to’o Maromak dehan ‘bele’.
Segundu, Jakó luta ho Maromak to’o Maromak fó bensaun nia. Iha momentu ida nee, Jakó nia naran muda, nia passadu remata, no futuru ne’ebe iha Maromak nia hanoin no prepara ona ba nia komesa.(AN)
Hahan klamar: Deuteronómiu 18:9-18, Isaias 47:5-15, Apostolu sira nia istoria 16:16-34, Daniel 2