Labele despreza hahú husi ki’ik, basa Maromak haksolok haree servisu ne’ebé mak ita hahú (Zakaria 4:10)
Karik ita rona ona kona-ba impaktu husi borbaleta? fizikamente, ne’e deskreve oinsá iha mudansa ki’ik ida iha kondisaun inisiu (hanesan mós oinsá kalohan ki’ik ida nia prezensa) bele afeita klima ne’ebé ho distansia dook tebes . Imajina kalohan ida bele halo mudansa ba klima iha illa seluk!
Saida mak ita bele aprende husi ne’e? Dalaruma ita sente laiha valór , fraku no sente mesak de’it . Dalaruma mós ita sente hanesan ita mesamesak mak hamriik ba lia loos no onestidade iha ita-nia servisu fatin ka iha ita-nia uma. Ita hatete: ‘Saida mak ha’u bele halo hodi hasoru problema boot hanesan ne’e?’
Ita bele halo liu tan husi saida mak ita hanoin! Ita nia esforsu, ita-nia liafuan, ita-nia hahalok, ita-nia orasaun, ita-nia ezemplu , ita-nia di’ak no ita-nia badinas bele hetan Maromak nia forsa no mós hamoris forsa domin Maromak nian atu uza buat ne’ebé ita la tau valór ba, hanesan Moises nia ai tonka ne’ebé hodi fera Tasi Mean, ka David nia Fiska ne’ebé tiru monu Jigante, ka hahan meudia labarik mane ida nian ne’ebé fó han ema barak. Ita bele hahú ita-nia moris ho buat ruma ne’ebé sei fó influensia ba ambiente moris ne’ebé rohan laek.
Jesus hatete,’bainhira o iha fiar hanesan mostarda musan ida ó sei muda foho ne’e, ‘muda husi ne’e ba ne ba no foho ne’e sei muda; no laiha buat ida mak imposibel (la bele) ba o. (Mateus 17:20) La’ós kona-ba medida modo musan ne’ebé ita haree, maibé kona-ba Maromak ne’ebé bele haburas modo ne’e.
La’ós kona-ba orasaun ne’ebé ita reza maibé kona-ba Ida ne’e ho kbi’it boot hatan ba ita-nia orasaun. (CR)