Fó imi-nia preokupasaun hotu ba Nai Maronak, tanba Nia mak tau matan ba imi’ 1 Pedro 5:7
Jesus dehan, ‘Ne’e duni lalika laran-susar : “Ita atu han saida?” ka “Ita atu hemu saida?” ka “Ita atu hatais saida?” ema ne’ebé la fiar ba Maromak, sira buka buat sira ne’e tun-sa’e. Maibé imi nia Aman iha lalehan hatene hotu imi-nia presiza sira ne’e.’ (Mateus 6:31-32)
Autór ida hakerek: ‘iha loron ida ha’u preokupa ho buat ida bainhira ha’u rona pastór ida hatete, ‘laran-susar hanesan laiha fiar iha Maromak.’ Husi ne’e ha’u komesa laran-susar ba faktus katak ha’u preokupa. Depois, iha ema seluk hatete, lalika laran-susar kona-ba ne’e.’ Ha’u rona ne’e sente fasil loos, maibé liafuan ne’e mai husi ema ne’ebé mós iha liña buka fe, no sira ko’alia nune’e tanba iha tauk laran. Depois iha kolega ida mosu ho ideia foun ne’e: ‘Tanba sa ita la koko tok kupon preokupasaun ne’e. Kupon ne’e sei fó preokupasaun barak ba ita-nia hakarak, karik ita preokupa de’it ho: ,
1. Bele fó han no fó hatais ba ita
2. Bele aumenta di’ak ba ita nia moris la’ós foti fali husi ita-nia moris
3. Bele halo ita-nia loron aban sai di’ak
4. Halo ita la laran todan atu halo lalaok hanesan ema laiha fiar
Tuir mai nia dehan, ‘kuandu kupon ne’e la ajuda, ita-nia preokupasaun sira ne’e iha lista ida, tau iha kaisa ida no rai iha fatin ruma ne’ebé ita sei la haree hetan. Kuandu Maromak lakohi ka la tau matan, ita bele foti fali kaisa ne’e no komesa preokupa filafali maibé pelu menus fó tempu ba Nia. No iha tempu ne’ebé atu resposta, reza, hamriik iha Nia Liafuan, no labele halerik ita-nia preokupasaun.’
Iha Biblia dehan: ‘entrega imi-nia preokupasaun hotu (laran-susar tomak, hanoin barak hotu, ita-nia atensaun tomak, dala ida de’it no to’o rohan laek) ba Nia, tanba Nia mak tau matan ba imi. (CR)