“Maibé obrigadu ba Maromak neʼebé lori ita hodi marxa hamutuk ho Kristu, hanesan tropa neʼebé marxa fila bainhira sira manán ona funu. Maromak nia koñesimentu neʼebé hanesan buat morin habelar ba fatin hotu liuhusi ita.” 2 Korinto 2:14
Jesus hatete, ‘…Iha mundo nee ita sei hasoru tentasaun barak..’ (João 16:33). Hasoru problema barak la signifika katak ita ne’e falsu, failansu ka la kontenti tau atensaun ba Maromak. Anin bot koko uma sira ne’ebé fiar no la fiar (Mateus 7:24-27) maibe sira nebe fiar bele manan.
Saida maka Maromak nia hakarak? Atu halo ita sai manan nain ka vensedór, láos artista ne’ebé subar! ‘Agradese ba Maromak nebe sempre ukun ita manan iha Kristu.’ Los, Maromak sei salva ita maibe nia sei dezenvolve ita. Iha problema balun ne’ebé ita labele halai ses no tenki hasoru, hanesan: Ita nia físika jenetik ka turunan. Iha sosiade ema obsesi ho ‘oin ka isin lolon,’ ita la kontenti ho ita nia aan? Senti ain aas liu, badak liu, la kapas, la forte, ita nia isin modelo masán, modelu peéra, ita nia inus ladiak hotu? Namkurut, hasan kabosu, tilung tahan bo’ot, koko halo nakukun, halo naroman, aumenta, subar, hamenus, aumenta, maibe sei nunka sai tuir ita-nia hakarak? Kuidadu ho etika ka norma kultura isin nian. ‘Tanba ami la brani atu kompara ami-nia an ho sira neʼebé foti an, no ami la tesi-lia ba ami-nia an tuir buat neʼebé sira halo. Maibé kuandu sira kompara sira-nia an tuir deʼit sira-nia hanoin rasik no tesi-lia ba sira-nia an rasik, sira hatudu katak sira la iha kbiit atu komprende. (2 Korinto 10:12) Biblia hatudu katak ‘susar ba ema ne’ebé haksesuk malu ho ninia Kriador….[se maka dehan], “Para, ita halo ne’e la lo’os!” (Isaias 45:9)
Hare ba saida mak diak liu iha ita-nia aan, maibe simu saida maka ita labele muda. Maromak la halo sala. Keta sai hanesan sira ne’ebé ‘laiha konprendesau.’ ‘Ema haree deʼit buat neʼebé iha liʼur, Maromak hare ita nia laran.’ (1 Samuel 16:7)
Adopta ka aplika Maromak nia standarto, laos ema ni’astandar. Hahu appresia ita-nia aan. (CR)
HahanEspíritu □ 2 Krónikas 16-18 □ João 12:37-50 □ Salmo 102:18-28 □ Provérbios 27:13-16