“Domin lori todan hotu, fiar buat hotu, tau esperansa ba buat hotu, no tahan buat hotu.’ 1 Korinto 13:7
Bainhira Ed ho Alice tuir konseling ba uma-kain, terapiuta husu ba Alice, ‘Saída mak fo-foun halo ita matan monu ba Ed? Nia hatan, ‘Nia forti no nonok.’ Konseleiru kontinua husu, ‘Se nune’e tanba sa ita hakarak soe-malu’? Alice hatan, ‘Nia forti no nonok!’ Dalaruma saída mak lori ita hamutuk bele remata ho problema bot. Iha relasaun hotu, iha tempu balu hatudu katak fasil liu hapara duke husik nune’e deit. Maibe, ses husi violensia físika no emosional, iha mos vantazem atu atende ita nia problema:
Benefísiu Emotional. Kontrari ho fiar kultura Hollywood nian, ema sira ne’ebé soe-malu barak liu hetan depresaun tanba senti mesak. Provas hatudu katak, maske iha inkonkordansia iha sira nia relasaun, sira iha saudades ba ema ruma bainhira sira fila ba uma.
Benefísiu saúde. Stress ho emosaun bele lori ba problema físika, no bainhira iha relasaun ida, liliu iha uma-kain ne’ebé diak, bele fo benefísiu diak ba ita-nia saúde. Ne’e hanesan ita iha pesoal saúde ka terapiuta rasik.
Benefísiu ba komunidade. Saída mak ita-nia oan sira hare sei influensia sira-nia desizaun iha futuru. Mantein iha uma-kain hanorin ita-nia oan sira oinsa atende obstaklu iha relasaun ka uma-kain. Kasal ne’ebé ho uma-kain forte ajuda dezenvolve nasaun nakonu ho domin, Aman-Inan ne’ebé iha responsabilidade atu eduka oan sira ba dalan lós. ‘Domin…tahan no lori todan hotu.’
Author Christy Scannell dehan, ‘bainhira [ami] kaben, ami konkorda katak ne’e to’o moris remata… semana hira antes ami nia kasamentu ami halo promesa ida atu hamutuk rezolve problema saída deit mak infrenta iha ami nia moris… Sim ami diskuti malu. Ami dun malu… maibe ami la muda sai ka la prense dokumentus ruma… saída deit mak akontese ami hamutuk nafatin.’
HahanEspíritu □ 2 Krónikas 25-28 □ João 13:31-38 □ Salmo 118:1-9 □ Provérbios 27:23-27