‘….haʼu la buka haʼu-nia hakarak rasik, maibé Ida neʼebé haruka haʼu mai nia hakarak.….’ João 5:30
Relasaun entre Jesus no Nia Aman ne’e modelu relasaun ne’ebé Nia hakarak relasaun ne’e iha entre ita ho Nia. Iha buat tolu mak deskrebe relasaun ne’e. Iha loron hira tuir mai ita hare buat tolu ne’e ida ba ida.
Premeiro: Intimidade. Jesus dehan, ‘Tanba Aman hadomi Oan no nia hatudu ba Oan buat hotu neʼebé nia rasik halo…’ (João 5:20) Ita iha interasaun ho ema barak durante loron tomak, maibe ita fahe ita nia laran ho ema ne’ebé ita fiar, no ho ema ne’ebé ita iha relasaun besik deit. Nune’e, Ita-nia relasaun ho Maromak agora dadaun besik oin-sa? Besik duni atu rona bainhira Nia koalia ba ita? Besik duni atu hatene bainhira ita hatete ka halo ona buat ruma ne’ebé halo Nia tríste? Besik duni atu bele senti manas husi Nia prezensa? Ida lolos mak, ita besik ba Maromak bainhira iha ita-nia hakarak, ita deside no ita disiplina ita nia aan.
Laiha ema ida moris, tenki iha asaun intimidade entre ema nain rua, no intimsaun ne’e bazeia ba liafua ida deit: ‘hakarak’. Ita-nia hakarak ba Maromak bót oin-sa?
David dehan, ‘Oh Maromak, Ita mak hau-nia Maromak, hau buka Ita ho hakarak lolos; hau nia Espíritu hamrok Ita…’ (Salmo 63:1)
Ita hakarak Nia uma? ‘Sira hemu buat neʼebé diʼak liu iha Ita-nia uma toʼo bosu,
No Ita halo sira hemu husi Ita-nia mota ksolok nia.’ (Salmo 36:8)
Ita hakarak Nia liafuan? ‘Haʼu la hasees an husi ukun-fuan neʼebé sai husi ninia ibun.
Haʼu hafolin ninia liafuan sira liu fali haʼu nia hahan loron-loron nian.’ (Job 23:12) (CR)
HahanEspíritu □ Josué 1 □ Salmo 27:11-14 □ 2 Tim 2:1-13