‘………Karik Nai sei ajuda ita………’
1 Samuel 14:6
Jonatan liurai Saul nia oan mane, ba funu hasoru ema filisteu sira. Momentu ne’e laiha profeta ida mak prefesia. Nia la iha konfirmasaun husi Nai maromak katak nia sei ba manan funu. Nia so dehan deit ba nia ajudante ne’ebe lori ninia sasan funu katak ‘Mai ita ba postu militar iha ne’eba ho sira ne’ebe la hetan sirkunsizasaun ne’e: Karik Nai sei ajuda ita.
Maibe, ida ne’e la fo lisensa ba ita atu ba halo buat hotu-hotu no husu Nai Maromak atu ajuda husi kotuk. Klaru katak, Jonatan halo funu kontra hasoru inimigu sira hodi proteje Nai Maromak nia povo, tamba ne’e nia la iha duvida katak Nai maromak hamutuk ho nia. Maibe se la iha diresaun detalhu, espesifiku, Jonatan ba deit ho hanoin ida ‘karik’ ne’e. Serake ida ne’e bele? Sim. Bainhira Jonatan no nia ajudante ne’ebe lori ninia sasan funu oho ema filisteu 20, ida ne’e halo sira konfuzaun hotu to’o sira ho sira oho malu fali, no ema Israel mos ba tan. Salomaun hatete, ‘Nia ne’ebe hateke hela ba anin sei la kuda, nia ne’ebe hanoin hela kalohan sei la kuu. (Eklesiastes 11:4) Iha liafuan seluk, se ita hein kondisaun ne’ebe perfeitu mak ita sei labele koko no mos ita sei labele realiza buat ida. Sim, ida ne’e furak duni bainhira ita hetan diresaun espesifiku husi Nai Maromak. Maibe dalaruma mos nia foo ba ita ideia ka impresaun ne’ebe moris buras iha ita nia fuan, no ida ne’e kontinua boot no firme, to’o ita hanoin ‘karik’ ida ne’e mak Nai Maromak hakarak hau atu halo. Ita gosta rezultadu (rendimentu) ne’ebe garantidu. Ita konfortavel liu ho buat ne’ebe serteza, akordu ne’ebe klaru ne’ebe laiha risku ka lakon. Maibe ita sei hasoru ‘karik’ barak liu iha ita nia moris duke buat ne’ebe garantidu ona. No iha tempu sira ne’ebe la iha serteza mak sei foo ba ita fiar ne’ebe metin liu tan, brani no korajen. (AFS)
Aihan ba Klamar > josué 8:30-10:43, >Joao 16:12-18 >Salmu 2 >Proverbiu 28:25-28