Bainhira ema loke O Nia liafuan, sira hetan naroman……………..(Salmu 119:130)
Nai Maromak nia liafuan iha resposta ba buat hotu-hotu ne’ebe ita presija, maibe ita tenke lee! Ita la hatene oinsa atu komesa? Iha ne’e iha eskritura husi versaun Tradusaun Moris Foun (New Living Translation) ne’ebe ajuda tebes:
Bainhira ita duvida: (1 Pedru 5:7) La bele preokupa ba imi nia problema, maibee entrega hotu ba Maromak, tanba Nia sempre tau matan ba imi. (Filipi 4:6) La bele preokupa kona ba saida deit. Maibee iha situasaun nebee deit, halo orasaun ba Maromak. Saida mak imi presiza, hatoo ba Nia hodi husu Nia tulun i foo agradese ba Nia. (Salmu 62:6) Nia deit mak hau nia Fatuk no hau nia salvasaun, Nia mak hau nia fatin aas nebee seguru; hau sei la monu. (Isaias 26:3) O mak kuidadu ema iha pás loos nebee hanoin nafatin ba O, tanba nia fiar ba O. (Deuteronomiu 31:6) Imi tenki forti no brani ba, keta tauk ka hakfodak tanba sira. Tanba NAI, imi nia Maromak, baa hamutuk ho imi. Nia sei la falta ka husik imi.”
Bainhira ita fuan kanek: (Salmu 147:3) Nia kura ema nebee laran kanek, no falun sira nia kanek sira. (Salmu 23:4) Maski hau lao iha foho leet nebee nakukun liu, hau la tauk buat aat, tanba O mak hamutuk ho hau. (2 Korintu 1:4) Iha susar saida deit, Nia sempre foo ksolok mai ita, atu ksolok nebee ita simu hosi Nia, ita mos bele foo tutan ba ema seluk nebee hetan susar saida deit. (Deuteronomiu 33:27) Maromak rohan laek mak ita nia subar fatin, no Ninia liman sei iha ita nia okos too tinan ba tinan. Nia duni sai inimigu hosi ita nia oin,……
Bainhira ita sente sala: (Apostolu sira nia Istoria 13:39) Nee dehan katak, see-see deit mak fiar ba Jesus, Maromak hamoos nia sala hodi simu nia. Moisés nia lei la bele halo ita sai moos iha Maromak nia oin. (1 Joao 1:9) Maibee se ita foo sai ita nia sala ba Maromak, entaun Nia sei foo perdaun ba ita i sei hamoos ita nia hahalok aat hotu. Tanba Maromak la haluha Nia promesa, i Nia sempre halo buat nebee mak loos. (Kolose 1:22) …………..la iha noda ida, i la iha ema ida bele hatudu liman ba imi. (Isaias 1:18) “…….Maski imi nia sala sira hanesan kór mean, maibee sira sei sai mutin hanesan neve. (Roma 8:39) atu buat iha loro leten ka iha rai, atu buat sel-seluk nebee Maromak halo, la iha ida mak bele hakotu Maromak nia domin nebee Nia hatudu ona mai ita liu hosi ita nia Nai Kristu Jesus. (Isaias 43:25) Hau, Hau duni, mak Nia nebee apaga imi nia sala aat tanba Hau nia naran, no Hau sei la hanoin fali imi nia sala sira. (AFS)
Aihan ba Klamar: >Nehemia 5-7 >Joao 19:31-42 >Salmu 105:23-36 >Proverbiu 30:15-19