Tanba nee, ami la lakon esperansa. Maski ami nia isin fraku ba beibeik, maibee loron ba loron Maromak hafoun ami nia laran. (2 Korintu 4:16)
Ita hatene ita sai idade bainhira: ita nia ain-tur kolen no ita nia kanotak lae; ita koalia kona ba tempu furak sira ita liu ona ne’e; ita tur iha kadera ne’ebe nakdoko maibe ita labele halo nakdoko; iha tempu ne’ebe ita sunu lilin ikus iha bolu, lilin ida primeiru ne’e naben ona; ita sei la konsidera tan ‘sai idade’ ne’e komik. Sai idade ne’e laos kona ba fuan fraku, tamba ne’e biblia fo ba ita atu haree kois saida mak ita espera. Isak ninia matan haree la moos. (Genesis 27:1) David sempre sente malirin. (1 Liurai 1:1-4) Apostolu Paulo refere ba nia an katak hau katuas ona (Filemon 1:9) no koalia kona ba moras fiziku no emosaun ne’ebe kauza husi idade, senti abandonadu no mesak, hetan traisaun husi kolega servisu hamutuk no despedida kolega sira ne’ebe parese ba oin nia sei la hasoru tan. (2 Timoteo 4:9-21)
Jon Walker hakerek: Iha hau nia loron moris foin dadauk ne’e hau nia biin haruka mensajen ida ba hau: Novidade aat: Iha liur ita soe estraga deit. (Hau mensiona ona katak nia hau nia biin, hanesan hau gosta atu fo hanoin nia katak, nia sempre sai hau nia biin!) Depois nia aumenta, Novidade di’ak mak: ……. ita la lakon esperansa. Maski ita nia isin fraku ba beibeik, maibee loron ba loron Maromak hafoun ita nia laran. (2 Korintu 4:16)
Se ita nia ruin siin, liman artritika, matan malahuk, hakat neneik, tilun rona lamoos, ka fuan ne’ebe tuku-tuku makaas, labele lakon esperansa! Nai Maromak prepara ………….selebrasaun ba ita bainhira ita to’o iha lalehan, iha nebe ita sei sai joven fali tamba ita iha uma ne’ebe sai joven nune’e deit. (AFS)
Aihan ba Klamar >Mikeias 1-4 >Joao 20:19-31 >Salmu 67 >30:29-33