Tanba ema loos bele monu dala hitu, no nia sei hamriik fali. (Proverbiu (24:16))
Salmista hakerek: ‘antes hau hetan terus, hau lao sala, maibe agora hau lao tuir O nia liafuan. (119:67) Bainhira nia halo sala, nia muda kedas no aprende atu halo fali buat ne’ebe mak loos. Lia loos mak ne’e, bainhira ita falha iha area ida, ida ne’e lori ita atu esplora tan area sira seluk. Susesu barak iha moris ne’e bazeia ba prinsipiu koko no falha. Baibain laos falhansu mak halo ita falha atinje ita nia objetivu, maibe tamba ita mak la halo esforsu deit. Falha ne’e tuir loloos halo ita deskobre ita nia area susesu.
Ezemplu, bainhira ita la gosta ita nia servisu, ita automatikamente failha iha ne’eba. Maibe bainhira ita lakon pozisaun ne’ebe ita la gosta, momentu ne’e mak ita sei sente presaun atu duni buat ne’ebe ita gosta no hakarak halo.
Benefisiu seluk husi falha mak, halo ita la julga ema seluk. Bainhira ita esperensia falha, ita sai ema ne’ebe simpatiku liu. Duke hatudu liman fuan, diak liu ajuda ema seluk ne’ebe presija. Duke koalia aat hanesan, ‘hau la fiar ita halo ida ne’e,’ diak liu mak ita presija hanoin hetan rai kuak ne’ebe Nai Maromak dada sai ita ne’e hodi hatete agradese no haraik-an katak ‘sin’ hau mos uluk iha ne’eba no halo sala ne’ebe hanesan mos. Ita hatene falha ne’e halo ita nia fuan moras, no ita hatene sira mos fuan moras tamba ita uluk liu ona husi ne’eba. Ida ne’e halo ita sai kolega di’ak, mentor di’ak, no ezemplu grasa ne’ebe di’ak.
Jesus hatete ba Simão Pedro, “Simão, Simão, Satanás simu ona lisensa atu koko imi. Nia hakarak haketak imi hosi Hau, hanesan ema tahek foos para hasai nia kulit. Maibee Simão, Hau halo ona orasaun ba o, para o nia fiar la bele lakon. I bainhira o fila fali mai Hau, o tenki hametin o nia maluk sira nia laran.” (Lucas 22:31-32)
Aihan ba Klamar: >Zakarias 1-4 >Mateus 1:1-6ª >Salmu 128 >Proverbiu 31:10-13