“Sira mate ona, sira la moris fali; sira toba iha rate ona, no sira la hader fali; nunee O mak hasoru no estraga ona sira, no halakon sira too ema la hanoin fali sira.” (Isaias 26:14)
Psikolozia sira fohatene katak, ema ida ou liu hasoru ona persegesaun fisiku, emosaun, ou seksual. Barak mak sente moe hodi konta sai! Sira lao ba mai maibe nakonu ho odio, hanoin laos deit ba ema nebe estraga sira, maibe hanoin mos konaba ema nebe tuir los tenke proteze sira too ikus lae. Ida nebe los maka, se bainhira sira la hetan ajuda, memoria konaba ema estraga sira nee bele halo kanek sira liu fali akontesimentu nebe akontese liu ona.
Se karik o mak vitima ida husi abuzu ida nee, ida nee mak liafuan balun neebe o presija lee, hamrik metin ba, no transforma an liu husi orasaun: “Hau haklalak ba o, hau nia Nai, o mak hau nia fatin subar, hau nia iis moris iha rai ida nee. Simu hau nia tanis, tamba hau sente moras; fo livre mai hau husi ema nebe hakarak estraga hau, tamba sira forti liu fali hau. Hasai hau nia klamar husi komarka passado nian ida nee, atu hau bele hahi O Nia Naran.” (Salmu 142:5-7) ‘Oh Nai, hau nia Maromak, nai seluk sira mak ukun tia ona ami, maibe ami hanoin deit O nia naran. sira mate ona, sira la moris fali; sira toba iha rate ona, no sira la hader fali; nunee O mak hasoru no estraga ona sira, no halakon sira too ema la hanoin fali sira.’ (Isaias 26:13-14).
Agora, o bele hili hodi fo perdaun ba ema nebe estraga o atu nune forca nebe hanehan o bele lakon! Bainhira o halo ida nee, tau sira iha Maromak nia liman no husik Maromak mak halo servisu ba sira. Rezeita hodi sai nafatin vitima. Labele kontinua moris ho moe, liu ida nee, buka hodi hatene liutan katak Maromak iha poder hodi kura ema sira nebe fuan rahun no ema sira nebe fuan kanek.’ (Salmo 147:3). (HG)
Hahan ba Klamar:* I Sam 17:4-51, *Ef 6:10-18