‘Labele halo tuir ema iha mundu nee nia hahalok. Maibe husik Maromak halo foun imi nia hanoin hodi muda imi nia laran. Nu-nee imi bele hatene lolos Maromak nia hakarak ba imi. Maromak nia hakarak nee buat ida nebe diak, loos I halo Nia laran haksolok.’ (Roma 12:2)
Saida maka ita konsumu ida nee mak determina ita nia desempennu. Tan nee mak o presija kuidadu ho buat nebe o uja ba o nia isin, o nia oan sira, o nia animal hakiak, no mos o nia kareta. Maibe buat neebe mak o uja hodi fo han ba o nia hanoin mos importante hanesan, liliu bainhira lei rua neebe o konsidera halo servisu iha o nia moris:
- Lei konaba matenek/konesementu. O nia hanoin fo influensia ba o nia emosaun no o nia hahalok. Biblia hateten: ‘Tamba nia halo tuir ninia hanoin iha nia fuan laran, han no hemu’ (Pro 23:7) Jesus dehan katak ai-hun neebe diak labele fo fuan aat, no mos ai-hun neebe aat labele fo fuan neebe diak (Mat 7:18). Ho liafuan seluk, hanoin neebe diak nia la produz resultadu neebe aat, nunee mos hanoin neebe aat labele produz resultadu neebe diak.
- Lei konaba Exposisaun. Biblia hateten: ‘Labele moris tuir mundu nee nia hahalok aat; maibe husik Maromak halo foun imi nia hanoin hodi muda imi nia laran.’ Imi sempre sei hanoin konaba saida mak imi sei halo. No hanoin koanaba violensia, isin nia hakarak, buat aat sira neebe iha media sosail, sei la hakfodak katak buat aat no hahalok aat komesa buras ba dadauk. Ita labele deit dehan hau sei le jornal ida nee, asiste programa ida nee, rona musika ida nee, maibe buat sira nee sei la fo influensia mai hau.. siencia social agora dadauk konfirma ona saida maka Maromak nia Liafuan fo sai iha tempu sira neebe liu- buat sira nee fo influensia ba o! ba neebe deit o ba, saida mak o lee (ou la lee), saida mak o hare, no mehi hotu neebe o iha hodi fo haksolok ba o nia aan, buat sira nee hotu forma o nia hanoin.
Apostulu Paulo hakerek nunee, hanoin saida mak Kristu fo hanorin, no husik Nia liafuan hariku o nia moris no halo o sai matenek. (Kolose 3:16) tan nee, se o presija iha hanoin ida neebe loos, hanoin ba, “imi tenek kaer metin liafuan neebe mak hau fo sai ona ba imi konaba Maromak nia laran diak. Liuhusi liafuan nee, Maromak bele halo forti imi nia fiar, I sei fob a imi buat hotu-hotu neebe mak uluk Nia promote ona atu fob a nia povu.’ (Atos 20:32) (HG)
Hahan ba Klamar: *Gen 5:22-24, *Heb 11:5, *2Reis 2:1-12, *At 1:9-11