‘Labele servisu deit ba imi nia interese privadu, maibe imi ida idak mos tenke hare ba ema seluk nia interese.’ (Filipe 2:4)
Sekarik o fo buat ruma ba ema seluk ho intensaun atu nunee o bele simu fila fali, o sei triste. Biblia hateten, labele preokupa deit ba o nia aan rasik maibe tau matan mos ba ema seluk. ‘kuando o halo diak ba ema seluk no ajuda ema seluk hodi desenvolve nia aan I moris diak, o sei simu fila fali no Maromak sei haraik bensaun ba o.
Karik o Kaben nain ida ou Apa ida, o hatene katak ida nee sei sai esperiensia ida ba o. saida mak o nia kaben mane ou kaben feto gosta liu? Osan iha banku, ou fo livre ba nia? Saida mak o nia oan sira hakarak iha? Sasan halimar nian, ou o nia atensaun tomak? Ema neebe hadomi o, nia prefere liu o nia kuidadu duke sasan neebe o oferese ba sira. Matenek hodi investe iha o nia aan rasik no o nia servisu, maibe haluha tia ema sira neebe importante liu iha o nia moris. Se o susesu iha o nia kareira maibe falha iha ema neebe o hadomi, maka o nia susesu sira hotu la iha valor no o sei triste iha o nia moris tomak.
Salomaun konesidu ho nia rikusoin no ninia matenek. Maibe nia hakerek nunee, ‘bainhira hau hare ba buat hotu neebe hau hetan ho hau nia esforso an tomak, buat sira nee folin tebes mai hau – hanesan duni anin.’ (Eklesiaste 2:11). Aprende husi ninia sala. Labele investe ba material ou buat neebe la iha valor, maibe investe iha o nia relasionamento.
Tuir mai mak buat hirak neebe sempre estraga ema nia relasionamento: Hau manan, o lakon – hau manan so dala ida deit. O manan, hau lakon – o manan so dala ida deit. Ami nain rua manan bebeik. Bainhira o buka ema seluk nia laran diak, Maromak promote katak buat diak sei mai ba o (Efesus 6:8) “keta haluha katak, atu atan ka laos atan, aban bainrua Maromak sei selu ema neebe halo buat diak.” (HG)
Hahan ba Klamar:*Is 4-7, Mat 8:28-34, *Sal 89:15-37, *Pro 2:21-22