‘Ema hotu neebe mak atu tama kompetisaun, sira tenke treinu sira nia aan ho disiplina. Sira halo nunee atu bele manan premiu ida neebe la dura. Maibe ita nee treinu ita nia aan atu hetan premiu neebe dura tinan ba tinan.’ (I Kor 9:25)
Bainhira o han barak demais. Estuda nain sira konfirma katak tempu agora, metade husi ema iha mundu osidental agora dadaun han barak demais. Karik o make ma ida husi ema barak sira nee neebe luta dadauk kontra han demais ida nee, iha nee o sei hetan novidade furak ba o: Maromak bele ajuda o hodi manan funu ida nee! Dala barak liu, laos deit konaba han, maibe konaba buat neebe han dadauk o.
Han demais atu bele hetan hakmatek I sees an husi estres no mos preokupasaun, maibe ida nee solusaun neebe la dura ho tempu naruk no la funsiona. Salmista ba too hun husi o nia problema ida nee: ‘Oh Maromak, buka hatene hau, no konese hau nia fuan laran. Koko hau ba no hatene hau nia hanoin sira. Hare took se hau lao iha dalan sala, no lori hau iha dalan rohan lae.’ (Salmu 139:23-24) Maromak bele hadook o husi preokupasaun neebe iha o nia moris.
Espirito Santu maka terapia neebe boot liu iha mundu. Bainhira o entrega no husu Nia atu hela iha o nia laran, o sei deskobre katak ‘fuan husi Espirito Santu nian mak Kontrola aan.’ (Gal 5:22-23) Ni abele fob a o poder hodi kontorla o nia han no hahu moris tuir Biblia nia hanorin: ‘hakarak han no hemu, ou saida deit mak o hakarak halo, halo buat hotu hodi fo Gloria ba nai Maromak.’ (I korintus 10:31)
Tan nee halo o nia orasaun agora: ‘Kura hau ba, Oh Nai, nunee hau hetan isin diak; salva hau ba, nunee hau hetan salvasaun, tamba so ba O deit mak hau hananu.’ (Jeremias 17:14) Liafuan loron ohin nian ba o mak: ho Maromak nia ajuda, o bele evita hodi la han demais. (HG)
Hahan ba Klamar: *Is 17-21, *Mat 9:27-38, *Sal 96, *Pro 3:5-6