‘Maibe bainhira imi hasoru tentasaun, Nia sei hatudu dalan ba imi, atu imi bele hamriik nafatin.’ (I Kor 10:13)

Bainhira o viola juramentu iha o nia kajamentu. O viola Maromak nia liafuan, hakanek o nia parseiru nia fuan, hamoe lalaok kristu nian, moris ho sentimentu neebe tauk, tauk ema hatene, no haksolok neebe provisoriu bele lori moras ida neebe durasaun naruk. Tan nee, antes o monu ba buat sira nee, buka uluk Maromak nia ajuda, no sadere ba Nia liafuan.

‘Fo honra ba o nia kasamento, no nafatin fiel ba malu…Maromak sei julga ema sira neebe la iha moral no sira neebe halo sala foer ho ema nia kaben.’ (Hebreu 13:4) ‘Hamate hahalok sala nian no hakoi saida mak aat iha o nia laran.’ Nee duni, imi tenke hamate tiha buat aat hotu-hotu husi imi nia moris, hanesan sala seksual, hanoin foer, kaan atu halo sala seksual, hakarak atu halo buat aat saida deit, no kaan sasan (tamba nee hanesan o foti aas sasan sira nee liufali Maromak).’ (Kolose 3:5)

‘Mai ita moris loos, hanesan ema neebe moris iha naroman. Labele halo festa han hemu hodi too lanu arbiru tun sae. Labele halo sala seksual ho buat aat oioin. Labele istori malu, I labele laran moras ema. Maibe imi tenke halo tuir nain Jesus Kristu nia moris. I labele hanoin tan atu halo tuir imi nia hakarak aat.’ (Roma 13:13-14) ‘Imi tenke halai dook husi sala seksual. Tamba se mak halo sala seksual, nia halo sala hasoru nia isin rasik. keta haluha katak imi nia isin lolon hanesan uma kreda ba Espirito Santu atu hela. Maromak rasik mak fo Nia Espritu nee ba imi, I Nia Espiritu hela iha imi nia laran. Nee duni imi nia isin nee laos imi nian, maibe Maromak nian. Maromak sosa kotu tiha ona imi ho folin neebe karun. Nee duni imi tenke uja imi nia isin hodi foti aas Maromak.’ (I Kor 6:18-20)

‘Bainhira ita hasoru tentasaun, keta haluha katak, ema seluk hasoru uluk tiha ona tentasaun neebe hanesan. Maromak mos sempre kumpri nia liafuan. Nia sei la husik imi atu hasoru tentasaun neebe liu fali imi nia forsa. Maibe bainhira imi hasoru tentasaun, Nia sei hatudu dalan ba imi, atu imi bele hamriik nafatin.’ (I Kor 10:13)
Se o Hanoin dadaun atu iha situasaun difisil ruma, ou o hasoru dadaun, ou o koko hela atu sai husi situasaun ida nee, hela iha Maromak nia liafuan ohin loron nian, fiar iha Nia ba o nia Vitoria/Manan. (HG)

Hahan ba Klamar: *Daniel 6:1-24, *Actos 12:1-19