‘Nai salva sira neebe iha espirito rahun’
(Salmu 34:18)

Bainhira ema ida hakanek o nia fuan. Bainhira ema ruma neebe o hadomi harahun o nia fuan no trai o nia konfiansa, o iha dadauk fatin mate ninian. Inimigo sei uja esperiencia neebe o iha hodi lori o ba buat haat (4) neebe sei hakanek o liutan, hadook o iha parte spiritual nian, no naok o nia bensaun husi Maromak:
1. Isola aan, hadok aan, no sees aan husi ema seluk.
2. Lakon auto-konfiansa, no sempre iha deskonfia aat ba ema neebe besik o.
3. Fo impakto neebe la diak iha relasionamentu familia no lori influencia neebe aat, ( hare iha Ebreu 12:4)
4. Halo o sai ema neebe vinggansa, hasoru buat aat ho aat (hare iha I Tesalonika 5:15). Labele halo ida nee, maibe pelo kontrario, hamriik iha Nai nia liafuan: ‘Maromak besik ba ema neebe fuan rahun; Nia salva ema sira neebe haksolok lakon ona.’ (Salmu 34:18)

‘Hau sei troka sira nia laran triste sai kontenti, no Hau sei konsola sira no sei troka sira nia laran susar sai haksolok.’ (Jeremias 31:13) ‘Nai Maromak nia Espiritu iha hau. Tamba Nia foti ona hau para fo sai Novidade diak ba ema kiak sira. Nia haruka ona hau fo hatene dehan, ema dadur sira sei livre fali,ema matan delek sira sei hare moos fali, sira neebe ema hanehan sei moris livre.’ (Lukas 4:18) ‘Labele ona rai odi ba ema. Labele hirus. Labele hakilar ema. Labele istori malu. Labele hatete aat ema. I labele halo buat aat saida deit. Maibe imi tenke hadomi malu, I halo diak ba malu. Imi tenke fo perdaun ba malu, hanesan Nai Maromak mos fo ona perdaun ba imi liu husi Kristu nia mate.’ (Efesus 4:31-32)
Ema ruma halo sala ba o? Fo Perdaun ba nia no kontinua fo perdaun too o sente livre no o nia hanoin tomak sai livre. Viagem moris nian loron-loron dalaruma o sente hanesan pasu tolu ba oin no pasu rua ba kotuk. Maibe bainhira o mantein o nia focus no hateke nafatin ba Jesus – o sei too iha rohan. (HG)

Hahan ba Klamar: *Isaias 22-25, *Mateus 10:1-10, *Salmu 100, *Proverbiu 3:7-8