‘Susar atu hili ida neebe. Hau hakarak atu husik tia mundu nee hodi ba moris hamutuk ho Kristu, tamba ida nee mak diak liu bah au.’ (Filipe 1:23)

Bainhira Mate lori ema neebe o hadomi. Satanas sei koko hodi haterus o ho hanoin sira neebe sente okupadu ba buat neebe o konsege halo no buat neebe o la konsege halo ba ema neebe o hadomi bainhira sira sei moris. Labele rona ba nia! Biblia hanaran ‘Julgador (Apokalipse 12:10). Pelo kontrario, haksolok ba tamba ema neebe o hadomi hamriik iha lia los hamutuk ho Nai, no o sei hasoru malu fali no hamutuk ho nia iha lalehan rohan laek. Husik o nia aan triste, no bainhira tempu triste ne lakon, hamriik metin iha Nai nia liafuan: ‘Maun alin sira, ami hakarak atu imi hatene tuir kona ba sarani sira neebe mate. Ami lakoi atu imi laran triste demais hanesan ema sira neebe mak la iha esperansa. Ita hatene katak Jesus mate, depois moris fali ona. Nee mak ita fiar katak se mak laran ida ho Jesus, se sira mate, aban bainrua Maromak sei halo sira moris fila fali hodi halibur sira hamutuk ho Jesus.’ (I Tesalonika 4:13-14)

‘Nunee mos bainhira ema mate moris fila fali. Mate isin neebe ema hakoi, sei dodok, maibe ita moris fila fali ho isin neebe la dodok tan ona.isin lolon neebe ema hakoi, ita hare ba aat los, maibe ita moris fila fali ho isin lolon neebe furak. Isin lolon neebe ema hakoi, la iha kbiit, maibe ita moris fila fali ho isin lolon neebe forti.’ (I Korintus 15:42-43)

“Imi keta laran susar. Fiar ba Maromak, fiar mos mai hau. Iha hau nia Aman nia uma iha fatin barak. Hau hateten nunee tamba fatin iha duni, se lae, hau la hatete ida. Agora hau atu ba uluk prepara fatin iha nebaa. Hau prepara tiha imi nia fatin mak hau mai fali hodi lori imi ba atu imi bele hamutuk ho hau. Nunee fatin nebee mak hau hela, imi mos hela hotu iha nebaa.” (Joaun 14:1-3)
Sadere ba Maromak nia lia fuan Santu sira nee iha loron ohin no buka o nia Haksolok. (HG)

Hahan ba Klamar: *Is 26-29, *Mat 10:11-20, *Sal 104:1-23, *Pro 3:9-10