‘Maibe se ita fo sai ita nia sala ba Maromak, entaun nia sei fo perdaun ba ita I sei hamos ita nia hahlok aat hotu. Tamba Maromak la haluha nia promesa, I Nia sempre halo buat nebee mak loos.’ (I Joao 1:9)

Sees husi objetivu no ita nia esforso aan nebee diak, ita hotu falha hodi too ‘rekisitos Maromak nian (bele hare iha Roma 3:23). Tan nee, nia resposta saida? ‘Se ita dehan ita la iha sala, [ita bosok ita nia aan rasik] I ita lahatene buat nebee mak loos. Maibe se ita fo sai ita nia sala ba Maromak, entaun Nia sei fo perdaun ba ita I sei hamos ita nia hahalok aat hotu. [Tamba Maromak la haluha nia promesa], I Nia sempre halo buat nebee mak loos.(I Joao 1:8-9)

Koalia konaba Maromak nia perdaun, ita hatene diakliu fali ita sente. Tuir mai ita sei hare Maromak nia maneira servisu hodi fo perdaun: konsiensia husi pekadu lori ba konviksaun pecadu nian, no konviksaun husi pekadu lori ita hodi ba konfesa sala, no liu husi konfesa ita nia sala sei lori purifikasaun ba pekadu, no liu husi hetan purifikasaun husi pekadu lori ita ba confiansa iha Maromak nia presensa (bele hare I Joao 3:21-22).

O dehan; hau sente, hau la merese hodi simu perdaun husi Maromak. “O nunka merese ida nee! Maromak nia perdaun la basea ba o nia dignidade, maibe iha Kristu Jesus! Alen de ida nee, Maromak la ejiji hodi o hetan terus no sai miseravel iha tempu balun atu nunee o bele aprnede lisaun balun molok o hetan perdaun. Ida nee signifika o halo parte iha o nia perdaun rasik. maibe laos hanesan nee; Perdaun tamba grasa no domin Maromak nian, so liu husi Grasa no Domin mak o hetan perdaun (bele hare Efesus 2:8-9).

“Grasa” Signifika ‘laran luak nebee ita la konsege selu/ domin nebee tuir loos ita la merese’ (Favor imerecido). Tan nee, bainhira Maromak fo perdaun ba o, fo onra ba ida nee, fo perdaun ba o nia aan rasik no hakat ba oin nafatin. (HG)

Hahan ba Klamar: *II Reis 6:8-20, *Efesus 1:15-23