Halo orasaun ba atu imi la monu ba tentasaun (lukas 22:40)

O bele hatudu o nia brani ba ema seluk,Par halo ema seluk fiar katak o bele halo buat nebe diak liu fali. Maibe, o rasik hatene o nia an ,no parte fraku nebe mak dala barak sempre halo o falha no monu ba tentasaun!

Ema seluk dalaruma hare o diak hela,mais o rasik la fo valor ba o nia an tamba o dehan hau ne’e ema a’at.no wainhira hanoin hanesan ne’e bebeik,conserteza o sei hanoin katak ah,folin saida hau husu perdaun ba Maromak? Tamba hau sei repete fila fali hau nia sala nebe hanesan depois hau tenki husu perdaun tan fali.

Calma Iha solusaun!

Jesus dehan ba nia eskolante sira,” halo orasaun atu imi la monu ba tentasaun.

(mateus 26:41)ho liafuan seluk,halo orasaun molok tentasaun mai,no o sei hetan forsa husi Maromak par bele hasoru tentasaun sira ne’e.

Molok Jesus halo hakmatek laloran iha galileia,Nia halo orasaun kalan tomak.

Tamba ne’e hamate o nia TV,computer,telephone no fo o nia tempu ba Maromak.

Apostulu Paulo dehan”,Entaun mai ita brani hakbesik an ba Nai Maromak.Nia mak ukun buat hotu-hotu,I nia sempre hatudu nia laran diak mai ita.se ita hakbesik ba Nia,nia sei hatudu domin mai ita hodi tulun ita iha tempu susar nia laran(ebreu 4:16)

Saida mak o halo bainhira o falha?

Maromak nia graca sei tulun ita,perdoa ita,no Nai sei ajuda ita hodi bele infrenta tentasaun.

Tan ne’e molok tentasaun to’o,mai ita halo orasaun! (MF)

Hahan ba klamar- isaias 45-48,*Mateus 11:20-30,*salmo 107-23-32,*proverbios 3:25-26