Hau mak Nai nebe fo kura ba o (exodu 15:26b)

Tamba saida maka ema moras balun halo orasaun la hetan kura? Ita lahatene,no Maromak mos la fo hatene ba ita.

Ita mos hatene katak ita nia duvidas ka la fiar bele impede Maromak nia poder atu halo milagre iha ita nia moris. Wainhira Jesus fila fali ba nia aldeia no ba ema sira nebe hatene liu Nia,ita le’e katak: Nia la halo milagre barak iha neba,tamba sira ladun iha maturidade(mateus 13:58)

Maibe iha aspektu kura nian nebe ita sei nunka komprende.

Apostolus paulos hakerek hau husik Trofimu moras iha sidade Miletu.( 2 timotio 4:20)tamba sa Paulos halo ema mate moris fali,no husik hela nia belun nebe moras,lolos wainhira nia orasaun no hare nia hetan kura?

Iha buat barak kona ba Maromak nebe ita lahatene,maibe so buat ida ne’e mak ita hatene:

“Hau mak Nai nebe fo kura ba o”.no tamba Nia hateten,”Hau mak Nai,no hau Mak halo,no Hau la muda’(Malakias 3:6) no Nai Jesus Kristo nafatin hanesan horseik,ohin no to’o rohan laek(ebreu 13:18) ita bele ba iha Nia hodi hetan kura,bazeia ba Nia liafuan.

Buat nebe Jesus kolia molok Nia husik hela mundu ida ne’e maka,sinal-sinal sira ne’e sei tuir ema sira nebe fiar! Sira sei tau sira nia liman ba ema moras,no ema sira ne’e sei hetan kura(markus 16:17-18)

Seraque ita fiar katak Maromak sei kura ema moras sira?sei ita halo ida ne’e ,entau obedese ba liafuan ne’e.

Se karik ita moras ou ita nia familia ruma.ita bele lori ba igreja ka bolu lider spiritual hanesan pastor hodi halo orasaun ba ita,hodi Jesus nia naran.

No orasaun nebe ho fiar dunik sei salva ema nebe moras.

Liafuan ba ita loron ohin maka:labele deziste,fiar ba Maromak katak o sei hetan kura.