Espesialista sira dehan katak, oho a’an hirak ne’e halo husi feto sira nebe servisu iha industria nebe afetadu Covid19 barak liu.

TOKYO – Eriko Kobayashi dala hat ona koko atu oho a’an.
Primeira vez, nia iha tinan 22 ho servisu nebe oras barak, mais salario nebe la sufisiente atu bele selu uma no niniaa nescessidade iha Tokyo. “Hau senti kiak los, “dehan Kobayashi, nebe baixa hela ospital tamba monu oin halai depois de assidente ne’e.

Agora 43, Kobayashi hakerek tiha ona livru kona ba ninian saude mental no iha servisu permanente ona iha LSM. Maibe virus corona nebe mosu halo nia estress liu tan.

“Hau nia salario koa, no hau labele hare naroman, “nia dehan. “Hau sempre hasoru hela deit krizi nebe karik sei halo hau monu fali ba kiak.

Espesialista sira mos fo ona hanoin katak pandemia ida ne’e bele fo impaktu ba ema nia saude mental, dezempregu, izolamentu social

Iha Japaun, statistiku governu hatudu katak ema oho a’an barak liu iha fulan Outobru duque, ema mate tamba Covid-19 iha tinan tomak nia laran to’o agora. Total fulan-fulan ema oho a’an iha Japaun sae ba 2.153 iha Outobru, tuir ajensia Polisia Nasional Japaun. To’o sexta, total Covid-19 Japaun maka 2.087, dehan Ministeriu Saude.

“Ami até laiha lockdown, no impaktu Covid minimu tebes kompara ho nasaun seluk… maibe nafatin deit ita hare ema oho a’an total sae makas, “Dehan Michiko Ueda, professor assosiasaun iha Universidade Waseda Tokyo, no hanesan mos espesialista oho an nian.

Japaun kleur ona luta, ida mak kona ba oho a’an nebe sae maka’as iha mundu, tuir Organizasaun Saude Mundial (WHO). Iha 2016, Japaun iha nivel oho a’an hamutuk 18,5 por 100.000 kada ema, segundu so ba Korea do Sul ihaiha rejiaun Pasifiku Osidental no kuaze ba dala tolu nian hanesan iha global annual 10,6 por 100.000 ema.

Razaun temporaria,nivel oho a’an iha Japaun nebe a’as maka kompleksu, oras servisu nebe naruk, presaun eskola, isolamentu social no stigma kultura, problema saude mental buat sira ne’e hotu sai hanesan faktor. (MF)

https://abc7news.com/japan-suicides-suicide-rates%20covid-women/8359064/