Jakarta, CNN Indonesia– Autoridade Hong Kong fo autorizasaun atu oho hotu fahi sira hamutuk 3.000 nebe iha sira nia luhan iha area rurais Yuen Long, norte nebe besik fronteira ho China.
Hamohu ka hamate fahi sira nebe ho total 3.000 ida ne’e, halo depois de sira hetan moras fahi Afrika ba dala primeiru iha Hong Kong.
Embora ladun perigu ba ema, maibe deskobre ne’e refere ladun akontese bebeik iha Hong Kong. Epedemia moras fahi ne’e ikus hetan iha tinan 2019 liu ba, husi fahi nebe mai husi China. Departamentu Agrikultura no peska Hong Kong kontinua halo investigasaun ba epidemia refere. To’o agora moras fahi ne’e so hetan deit iha fatin ida.
“Membru komunidade la presija preukupa,” dehan Departamentu Agrikultura no Peska iha ninian deklarasaun.
Governu garantia katak fahi sira nebe povo sei konsumsi iha laran sei hetan husi fatin seluk. Hanesan hetan husi Reuters, Hong Kong agora dadaun iha fahi luhan hamutuk 43 nebe fahe, maiz ou menus 15 porsentu fornese fahi nebe moris.
Moras fahi afrika kuaze sai hanesan epidemia iha Hong Kong iha tinan 2018 no 2019. Tama ba tempo malirin, governu Hong Kong matan moris hela tamba karik akontesimentu ne’e bele repete fila fali. (MF)