Maibe imi la hanesan ho sira,Jesus kristu haraik ona Nia espiritu santu ba imi,I nune’e imi hotu hatene ona lialos.
1 João 2:20
Seraque ita pernah koalia ho ema liu husi ita nia hanoin ga lae? Dalaruma ita bele koalia mesak bainhira ita hasoru problema ida.
Entaun,hanoin ida ne’e: se karik ita bele konversa ho ita nia an liu husi ita nia hanoin,ita hanoin ga lae,Maromak mos bele koalia liu husi ita nia hanoin? Problema maka,ita nia hanoin dalaruma ita labele konfia tamba ita hafoer ita nia hanoin ho lixu nebe barak;
Tamba ne’e,ita duvidas ba Maromak nia poder atu koalia liu husi ita nia hanoin. Depois de Maromak salva ita,Nia komesa hafoun ita nia hanoin hare iha(Roma 12:2).
Paulo hakerek,” se mak bele komprende Nai Maromak nia hanoin?se mak bele fo hanoin fali ba Nia?maibe ita nebe Maromak nia espiritu domina ona ne’e hanoin hanesan kristu(1korintus 2:16)
Seraque ita komprende? Bainhira Maromak salva ita,Nia komesa hanoin liu husi ita nia hanoin,Nia koalia liu husi maneira oioin. Ita nia hanoin so ba ida deit,Biblia dehan,Nai servisu iha ita nia laran,Nia halo ita pronto atu tuir Nia hakarak,I fo mos kbiit ba ita atu bele halo tuir(Filipe 2:13),atensaun didiak ba fraze ne’e, atu halo tuir nia hakarak.Maromak sei lidera ita ba Nia hakarak,no tau ita vontade ida iha ita nia laran atu halo nia Fuan haksolok.
Se karik ita halo buat ruma nebe diak hela deit,ida ne’e tamba Nai mak ajuda diriji ita.
Tamba ne’e mak importante tebes atu ita monitor ita nia hanoin ida ne’e.
Jesus dehan,O mos tiha ona tamba Maromak nia liafuan,hau koalia tiha ona ba o.(Joao 15:13)fasi ba ita nia hanoin loron ba loron ho Maromak nia liafuan,no se ita nia tilun ba Nai,atu nia bele koalia ho ita.
Hahan ba klamar-Roma 15-16,*Mateus 14:1-12,*Salmo 145:1-13,*proverbios 4:20-22