Ema sira nebe lao liu husi barragem nebe naksobu depois de Jelu fatuk Himalaya nakfera no soke barragem iha Vila Raini Chak lata iha distritu Chamoli, nasaun parte norte Uttarakhand, India, 7 Fevereiru 2021. (foto: Reuters)
Funsionario sira dehan katak, ema hamutuk 140 resin lakon no preokupa karik balun mate, depois de pedasu Jelu fatuk bo’ot Himalaya, iha India norte monu no soke barragem iha Domingo dader, komesa nalihun nakonu iha mota Dhauli Gangga no obrigasaun evakua iha ba vila sira iha hilir.
Parte autoridade sira dehan katak, pelu menus mate isin 9 mak konsege hetan ona iha assidente refere.
Gravasaun video iha àrea ne’e hatudu inundasaun rezultadu husi jelu no fatuk kik sira nebe dasa ba iha rai fuik no sae liu husi barragem iha nasaun parte Uttarakhand, India norte.
Primeiru Ministro India Narendra Modi hakerek iha Twitter, “India hatudu sentidu kondolensia ba saida mak akontese ona ba Uttarakhand no orasaun ba ema hotu nia seguransa iha neba.”
Liu ema 2.000 mak halo ona operasaun hodi buka no salva sira nebe lakon iha rai fuik maran, inklui mos membru polisia no militar.
Inundasaun estraga mos hidroelétricahidroelec iha mota Alaknanda no estraga mos iha mota Dhauli Ganga.
Kantor notisia Associated Press reportadu, porta-voz polisia fronteira Indo-Tibet nian dehan, até agora trabalhador Hidroelétricahidroelec lakon no seidauk hetan iha fatin refere. (MF)