Halo saida deit lebele ho mur-mura – Filipe 2:14

Iha ka lae ita hasoru ema nebe gosta mur-mura hela deit?
Buat kik mos mur-mura, sa tan buat bo’ot.
Dalaruma haruka halo servisu oituan deit mos koalia barak ka halo mas la ho didiak.

Ou karik dalaruma ita rasik nune’e, sempre mur-mura ka rebelde bainhira ita nia inan aman, lideransa ka patraun haruka atu halo buat ruma.

Maluk sira biblia dehan bebeik ba ita atu labele mur-mura. Entaun husu ita nia an, dala hira ona mak hau sempre mur-mura ba hau nia situasaun duque hau hadia? seraque hau moris nafatin iha passadu nebe halo hau senti kanek, fuan moras nafatin, no halo hau rejeita atu fo perdaun ba ema sira nebe hakanek hau no hau nia an rasik?
Karik situasaun sira ne’e hatodan ita, no ida ne’e sai hanesan razaun hodi ita mur-mura kona ba moris ida ne’e.

Los! dalaruma difisil, mas Jesus dehan wainhira ita hatene lialos, lialos ne’e rasik sei fo liberdade ba ita.(João 8:32). Entaun wainhira ita pronto ona atu hasoru lialos kona ba ita nia hahalok no halo buat ruma diak liu,maka o nia moris sei sai diak liu. No buat ida tan paulos dehan; haksolok ba nafatin, sempre agradese iha kondisaun saida deit, tamba ida ne’e mak Maromak nia hakarak ba o (I Tesalonika 5:1-18)
Ida ne’e mak Maromak nia hakarak tamba ne’e halo ba! (MF)

Hahan ba klamar-eclesisates5-8, Mateus 14-22_36, Salmo 149, Proverbios 4:25-27