Ministru Defeza Turki Hulusi Akar hatete katak, soldadu sira nebe halao opersaun ba militante Partidu Trabalhador Kurdistan (Kurdistan Workers Party/PKK) iha Irak do norte hetan mate isin 13 Turki nian nebe sira naok no exekutadu iha fatuk kuak ida.
Akar hatete katak indentidade sidadaun 13 refere deskonhesidu no autoridade la aviza sai naok ne’e tamba ho razaun seguransa.
Turki, dehan Akar iha nia deklarasaun Domingo (14/2), lansamentu operasaun militar kontra PKK iha territorio Gara Irak do norte iha 10 fevereiru atu assegura fronteira.
“ Wainhira ami buka iha fatuk kuak sira ne’e, mate isin 13 nebe sira naok konsege ami hetan. Iha primeira verifikasaun determina katak, ami nian sidadaun 12 la sala no la ho kilat ruma, hetan tiru iha ulun no tiru ida iha kabas, ‘’dehan Akar.
“Tuir informasaun antes nebe fo sai husi terorista nain rua nebe sira kaer, ami nia sidadaun hetan oho iha hahu operasaun husi terorista nebe responsavel ba fatuk kuak refere.
“dehan, PKK seidauk fo sai deklarasaun ba akontesimentu refere.
Akar hateten militante 48 mate iha operasaun neba. Força sira konsege kontrola iha territorio nebe sira halo operasaun, sobu armazen amunisi no fatin nebe sira subar ba. Força Turki nain 3 mate no nain 3 seluk kanek iha operasaun ne’e nia laran.
Ministeriu hatete operasaun neba hahu husi ataka aéros no operasaun terrenu depois halao husi força sira nebe semo husi àrea neba ho helikopteru. Turki halo ona operasaun hanesan iha Irak do norte iha passadu.
PKK, nebe determina sai hanesan grupu terorista husi Turki, Estado Unidos no Uniãun Europeia, halo revolta armas iha sudeste Turki nebe parte bo’ot husi ema Kurdi iha tinan 1984. Liu fali ema 40 milhaun maka mate iha konflitu ne’e refere. (MF)
https://www.voaindonesia.com/a/turki-temukan-13-mayat-dibunuh-oleh-militan-di-irak-/5777685.html