Governu Thailand iha loron Domingo (14/2) defende desijaun hodi la hamutuk ho programa vasina virus corona ne’ebe hetan sponsor husi WHO, dehan katak hamutuk ho COVAX sei halo nasaun ne’eba sei iha risku atu selu barak liu ba vasina no sei hasoru tempu inserteza.
Politkus balun husi grupu opojisaun no demonstrante halo ona kritika kona ba menus transparansia no suavidade governu iha vasina nian. Maske nasaun nebe iha populasaun 66 milhaun ne’e iha total kazu no vitima sira ne’ebe mate tamba virus corona nebe ladun maka’as, nasaun ne’eba mos hasoru etapa segundu aprisionadu ba virus perigu ida ne’e.
Trabalhador médikus ne’ebe iha linha oin komesa simu milhaun rua vasina Sinovac husi China iha fulan ida nia laran, maibe vasina massa ba sidadaun seidauk hahu to’o produsaun local dosis Astrazeneca pronto iha fulan Junhu mai.
Hatan ba relatoriu media katak Thailand sai hanesan úniku nasaun Sudeste Asiátiku nebe lakoi hamutuk ho aliansa COVAX-WHO, porta-voz Governu Anucha Buraphachaisri hatete bazeia ba programa ida ne’eba, Thailandia hanesan nasaun rendimentu mediu la iha direitu atu hetan vasina nebe baratu no gratuita. “Hola vasina direita husi fábriku sai hanesan opsaun nebe diak liu, no flexivel, “ dehan Anucha.
Nia aumenta tan, “ se Thailand hakarak inklui hamutuk ho programa COVAX, ami tenki selu ho orsamentu a’as no fo risku mos’’ maka selu uluk sem hatene vasina no data haruka ninia fontes.
Nia la espesifika folin ne’ebe tenki hasai.
Em jeral iha 190 nasaun maka hamutuk tiha ona ho COVAX, nebe ho objetivu hodi garantia assesu nebe hanesan iha tempu pandemia ida ne’e. Skema ne’e administra hamutuk husi aliansa GAVI WHO, The Coalition for Preparedness Innovation Epidemi CEPI no UNICEF. Thailand to’o agora seidauk simu ka halo produsaun Vasina, maske nasaun vizinhu sira hahu tiha ona vasina massa.
Thailand iha loron Domingo(14/2) rejistu tan ona kazu foun virus corona hamutuk 166, no aumenta total sai 24.571 no numeru mate nian besik ema 80. (MF)
https://www.voaindonesia.com/a/thailand-bela-keputusan-tidak-ikut-aliansi-vaksin-covax/5778070.html