Ministru Estrangeiru Indonezia, Retno Marsudi (Foto Courtesy: Kemlu RI)
Governu Indonezia hato’o sira nia tristi hodi kontribui para resolve konflitus iha Myanmar tamba konsidera demokrasia ne’ebe kleur ona sira luta ba, tenki ser defende nafatin.
JAKARTA (VOA) – Iha konferensia pers, depois de halo reuniaun hamutuk Ministru Estranjeiru Hongaria iha ninian eskritoriu Jakarta, Tersa 16/2), Ministru Estranjeiru Retno Marsudi hatete parte hot-hotu tenki ajuda salva prosesu tranjisaun Myanmar ba iha diresaun demokrasia. Assuntu ne’e hato’o liu husi responde ba dezenvolvimentu atual iha nasaun Sudeste Asia nian.
“Esforsu para garantia kontinuasaun tranjisaun inklusivu para demokrasia nian, presija nafatin aprezenta ba oin. Mekanismu iha area nian tenki servisu diak liu tan atu ajuda froma konstrutivu hodi resolve problema difisil refere, “dehan Retno.
Retno aumenta tan seguransa no moris diak povu Myanmar nian tenki sai prioridade prinsipal.
Inisiu kedas, Indonezia ho konsisten hato’o tristi hodi bele kontribui para rezolve konflitus iha Myanmar.
Tuir Retno, nia planu atu telefone Ministru Estranjeiru Estados Unidos Ámerica Antony Blinken hodi desktuti kestaun problema Myanmar Tersa ne’e (16/2) no Ministru Estranjeiru China, Wang Yi iha loron Kuarta (17/2).
Iha loron ne’ebe hanesan Retno mos sei viagem ba Brunei Darussalam hodi koalia assuntu Myanmar nian. (MF)