Enjinheiru nain 2 husi Indonezia iha EUA ajuda dezenvolve roket no aviaun ne’ebe avansadu liu ba futuru. Avelino Ernestanto ajuda dezenvolve aviaun komersial moedelu foun, enkuantu Marko Djuliarso mos ajuda kria roket foun ne’ebe sei lori astronatu sira ba iha fulan.
Estadus unidus iha ambisaun atu haruka astranatu sira ba iha fulan molok 2024 no ikus liu ba iha planeta Mars. Tarjetu ne’e besik dadaun ho dezenvolvimentu Space Launch System (SLS), ne’ebe hanaran Roket ne’ebe pertense ba Agensia aviasaun no Antariska (National Aeronautics and space Administration/NASA) ne’ebe forte liu. Maoria komponente SLS halo husi Boeing, empreza bo’ot aerospacial bo’ot liu iha mundu ne’ebe nia sede iha EUA.
Marko Djuliarso maka enjinheiru husi Indonezia ne’ebe inklui iha prosesamentu roket bo’ot refere iha instalasaun Boeing iha Nova Orleans, nasaun parte Lousiana. Graduadu tekniku Industria Universidade Tenessee ne’e servi hanesan Industrial enjinheiru (enjinheiru tekniku industria) iha projetu ne’ebe gasta ona trilhaun dolares.
“Fokus horario, orsamentu, ka kustu no kualidade. Ami aplika konseptu industrial enjinharia hodi halo lais horario, hatun folin no hasae kualidade produtu ne’be sai husi fàbriku, “ dehan mane ho idade 42 ne’e ba iha VOA. Marko servisu tiha ona iha Boeing durante tinan 10.
Masteradu nain rua iha Ciensia husi Universidade Teknologia Nanyang Singapura no Universidade Southern California ne’e hatete maske iha dejafius barak, nia senti agradese bele hetan oportunidade envolve iha projetu nebe sei determina future mundu antartika nian.
“ uniku tebes projetu ne’e. Hau senti sorte bo’ot no bele koko no apresia ba oportunidade ne’e. sa tan ita konsege ona haruka primeira unidade ba iha NASA. No ida ne’e fo satisfasaun katak it abele ona rezolve produtu primeiru no bele entrega produtu ne’e ba kliente, “dehan mane ne’ebe moris iha Jakarta ne’ebe halao ona projetu refere desde 2017. (MF)
https://gdb.voanews.com/8CC6D866-225F-4BF9-BCBD-BA8A935226DE_w1023_r1_s.jpg