Ami lahatene saida mak ami atu halo, maibe ami nia matan hateke ba O’. – 2 kronicas 20:12
Segundu, rekonhese o nia frakeza rasik. So ema nebe Maromak la ajuda mak sira ida ne’ebe hanoin katak la presija Maromak nia ajuda. Liurai Josafat dehan, ‘ami laiha forsa hodi hasoru exersitu bo’ot ne’ebe ataka ami. Ami la hatene saida ma kami atu halo, maibe ami nia matan hateke ba O.
Dalabarak ita nia matan hateke ba buat hotu, no ba ema hotu mais la ba Maromak ida nebe bele harahun ita nia problema.
Maluk sira karik ita nia kondisaun hanesan matras, se ita iha leten senti hakmatek, maibe se ita iha kraik ita bele fraku no mate. Maibe fokus ba Maromak no o sei manan ba o nia kondisaun.
Hanoin didiak, ida ne’e laos ho kbi’it no laos husi poder, maibe liu husi Hau nia espiritu, hatete Nai forsa Nain (Zakarias 4:6)
O labele halao moris kristaun ho o nia forsa rasik, tamba o laiha forsa.
O presija forsa ne’ebe mai husi Maromak nia espiritu.
Koko imajina luvas kuandu la uza nia mamar no la folin, mais kuandu liman tama ona ida ne’e sei folin teb-tebes no efetivu.
Jesus dehan, o sei simu poder se espiritu santu tun ba o. (atos 1:8)
Jesus sempre dehan kona ba espiritu santu nia kna’ar sai hanesan ajudador , entaun ita la hatene saida mak ita halo, kar metin nia promesa kona ba ajudador, espiritu santu, nebe aman sei haruka hodi hau nia naran.
Sei hanorin imi kona ba buat hotu, no lori imi hanoin buat ne’ebe hau koalia ona. (João 14:26)
Se o luta ho o nia forsa rasik, o sei lakon, mas se o uza Maromak nia forsa o sei manan. (MF)
Hahan ba klamar- Jenesis 4-6, Mateus 15:26, Salmo 33:1-12, Proverbios 5: 7-14