Jakarta, CNN Indonezia– Polisia México prende membro nain 6, grupu fa’an vasina corona (Covid-19) falsu.
Relata husi Associated Press, Sexta (19/2), incidente ne’e akontese iha fronteira nasaun parte Nuevo Leon.
Tuir Vice-Ministru Sáude México, Hugo Lopez-Gattel, grupu sira ne’e fa’an vasina corona Pfizer falsu ho folin US$ 2.000 (R$ 28 milhaun) ba Kada doses. Lolos maka, Vasina sira ne’e so bele deit hetan liu husi programa Vasinasaun husi governu.
‘’ Ita bo’ot labele halimar ho saude, sa tan iha tempu pandemia ne’e, labele iha parte seluk ne’ebe foti vantajem, “ dehan Ministru social México, Rosa Icela Rodriguez.
Espesialista sira preukupa tebes ba akontesimentu hanesan ne’e. sira preukupa ba grupu ema a’at sira ne’ebe iha México ne’ebe koko atu naok, no fa’an vasina falsu iha tempu pandemia hodi hetan lukru.
Tamba molok ne’e akontese uluk ona aksaun naok aimoruk no tubo oxijeniu.
Atualmente governu México iha stock milhaun 1 vasina corona. Maibe, 750 mil doses sei fo prioridade ba profisionais saude ne’ebe diretamente atende pasiente virus corona.
Total kazu virus corona iha México agora sae ona ba milhaun 2. Total barak husi 177.061 pasiente mak mate. (MF)