Polisia Espanhol halimar brinkadeira halai subar ho vizitante festa illegal iha Madrid iha semana kotuk liu ba, iha ne’ebe mak polisia esforsu duni festa nain sira.
Polisia iha loron Domingo (21/2) hasai video ne’ebe hatudu oinsa sira hetan ema sira ne’ebe kontenti to’o subar iha kama okos, balun iha armari laran bainhira polisia halo ataka ba festa ne’ebe sira halo.
Komunidade balun iha fatin ne’eba telefone polisia bainhira sira hare katak iha festa ne’ebe rame tebes iha apartamen turistiku ne’ebe sira uza hodi halo festa, no kontra regra Lockdown, politika ida hodi taka área no suspende atividades balun hodi bele prevene propagasaun virus corona.
Polisia hatete ema nain 44 mak selu multa.
Polisia mos duni ema barak no hapara eventu 227 iha loron Sexta (19/2) no Sàbadu (20/2).
Parte autoridade hetan festa barak iha Kada semana ikus, fulan ikus liu ba, ne’ebe mak ema sira ne’e kontra regra ne’ebe fo sai tiha ona katak labele hasoru diretamente ho ema barak.
Área Las Letras iha Madrid – ne’ebe iha Bar, fatin diskoteka no apartamen turistika mak fatin ne’ebe polisia sempre halo kapturasaun. (MF)
https://www.voaindonesia.com/a/langgar-lockdown-polisi-spanyol-bubarkan-227-acara-warga/5787032.html