AFP – Funsionario ida hatete, Domingo (21/2), ema nain 5 mate iha inundasaun ne’ebe sae maka’as iha àrea Jakarta nian, enkuantu komunidade balun fila fali ba sira nia uma hodi hamos uma laran.
Jakarta akontese udan bo’ot iha semana ikus ne’e, ne’ebe halo inundasaun iha estrada nia laran no obriga ema barak tenki evakua.
Chefe Agensia Rejional Gestaun no Dezastre DKI Jakarta (BPBD), Sabdo Kurnianto, hatete ba AFP, mane ida ho tinan 67 hetan mate ona depois de metin hela iha nia uma laran, tamba inundasaun bo’ot iha àrea Jakarta sul iha Sàbadu ( 20/2).
Nia aumenta tan katak, iha tan labarik mane nain 3 ne’ebe mate tamba be’e lori, no labarik feto ida mout.
Agensia Meteorologia, Klimatologika, no Geofizika, fo atensaun katak Jakarta no nia àrea sira ne’e , tuir estimasaun sei akontese udan bo’ot liu tan iha semana ikus. Ho populasaun besik 30 milhaun, Jakarta sempre akontese inundasaun iha tempu udan.
“ Mota tun no halo taho dodok barak… hau hasoru desvantajem ne’ebe bo’ot, “ Dehan Ali Fatullah, ne’ebe sai hanesan vendedores ai-fuan nian iha Bekasi.
Nia dehan tan sasan elektroniku barak mak hetan estraga rezulta husi inundasaun.
Kurnianto dehan besik 1.700 ema maka sei refujiadu hela, maske iha komunidade barak mak fila ona ba sira nia uma.
Inundasaun mos estraga kios vizinhu sira nian 200 iha àrea ne’eba, no 40 sei nakonu ho be’e besik 30 cm ou liu, iha Domingo (21/2). (MF)
https://www.voaindonesia.com/a/lima-tewas-akibat-banjir-di-jakarta-/5787510.html