Hau halo orasaun hodi hetan labarik ne’e, no Nai fo tiha ona ba hau , buat ne’ebe hau husu ba Nia.- 1 Samuel 1:27

Hanna hakarak los sai inan, nune’e nia halo orasaun ba Nai ho tanis ( 1 samuel 1:10) lolos nia halo promessa ba Maromak, katak se karik Nai fo hau oan, hau sei fo nia moris tomak ba NAi. ( 1 Samuel 1: 11) dan versikulu ne’e akontese.

Biblia dehan, ida ne’e akontese iha prosesu tempu naruk hafoin Hanna hetan oan mane ida. (1 Samuel 1:20)

Ida ne’e mos akontese hanesan ba Ruth, ‘Boas hetan oan Obed husi Ruth (Mateus 1:5) Ruth mak feto faluk kiak ida,wainhira Maromak fo konhese nia ba Boas, nain ba to’os fatin ne’ebe nia servisu ba.

Ruth laos ema Judeu, maibe Boas ema Judeu, no tuir lei sira labele kaben. Maibe Maromak muda tia buat ne’ebe impede sira nia dalan, no ikus sira kazamentu no hetan oan Obed.

Nia maka avo husi liurai David, no Jesus nia beiala, Maromak dehan: Hau mak Nai ba buat hotu, iha ka buat ne’ebe difisil mai hau? (Jeremia 32: 27).

Ohin loron se karik ita husu Maromak kona ba Oan, hamrik metin no fiar ba Maromak nia promessa.

Haksolok ba iha Maromak, no Nai sei fo saida mak o nia fuan hakarak, entrega o nia dalan ba Nia, no fiar ba nia iha tempu hot-hotu, no hein iha Nia ho pasiensia. (Mazmur 37:4-7). (Mf)

Hahan ba klamar- Genesis 17 -19, Mateus 17: 14-27, Salmo 40: 19-17, Proverbios 6:6-8.